शिवप्रतिष्ठान हिंदुस्थानतर्फे प्रांत कार्यालयावर मोर्चा

ich311.jpg
20124
इचलकरंजी : मोर्चामध्ये मोठ्या संख्येने धारकरी सहभागी झाले होते.
-------
शिवप्रतिष्ठान हिंदुस्थानतर्फे प्रांत कार्यालयावर मोर्चा
इचलकरंजी,ता. ३१ : शिवप्रतिष्ठान हिंदुस्थानचे संस्थापक संभाजीराव भिडे यांच्याविषयी अपशब्द वापरणाऱ्यांविरोधात तत्काळ गुन्हे दाखल करावेत, अशी मागणी करीत येथील शिवप्रतिष्ठान हिंदुस्थानच्यावतीने प्रांत कार्यालयावर मोर्चा काढला. मागणीचे निवेदन प्रांताधिकारी मोसमी बर्डे-चौगुले यांना दिले.
शिवतीर्थावरील छत्रपती शिवाजी महाराजांच्या पुतळ्यासमोर प्रेरणामंत्राने मोर्चाची सुरवात केली. भिडे गुरुजी यांच्यावर कोणी शिंतोडे उडवत असतील, कोणी त्यांचा अपमान करत असतील तर खपवून घेणार नाही, असा इशारा गजानन महाजन यांनी दिला. कार्यवाह प्रसाद जाधव यांनी, १२ ऑगस्टला इचलकरंजीत भिडे यांची सभा होत असून यासाठी हजारोंच्या संख्येने सहभागी व्हावे, असे आवाहन केले. मोर्चात आनंदा सूर्यवंशी, गणेश सुतार, चेतन जाधव, मंगेश मस्कर, नागेश पाटील यांच्यासह युवक मोठ्या संख्येने सहभागी झाले होते. मोर्चाच्या अग्रभागी भगवा ध्वज होता. मोठ्या संख्येने धारकरी सहभागी झाले होते.