माथाडी मंडळाच्या
20718
...
माथाडी कामगार विधेयक रद्द करा
कामगारांची जिल्हाधिकारी कार्यालयासमोर निदर्शने
कोल्हापूर, ता. २ : राज्य शासनाने माथाडी कायद्यात अन्यायकारक बदल केला आहे. या कायद्यात ‘असंघटित’ऐवजी ‘अंगमेहनती’ शब्द वापरून या कायद्याची व्याप्ती संकुचित केली आहे. त्यामुळे महाराष्ट्र राज्य हमाल मापाडी महामंडळाच्या कोल्हापूर जिल्हा हमाल पंचायतीच्या वतीने आज जिल्हाधिकारी कार्यालयासमोर जोरदार निदर्शने केली. यावर माथाडी कामगार नवीन विधेयक रद्द करावे, अशी मागणी केली. या मागणींचे निवेदन जिल्हा प्रशासनाला दिले.
निवेदनात म्हटले आहे, महाराष्ट्र शासनाने १९६९ मध्ये केलेला माथाडी कायदा ज्याची स्तुती आंतरराष्ट्रीय कामगार संघटनेने, केंद्र सरकारने, देशातील अनेक राज्यांनी केली आहे. त्या कायद्याची आज महाराष्ट्रात काटेकोर अंमलबजावणी होण्यासाठी कायद्यात व धोरणात बदल अपेक्षित असताना आपण या कायद्यात सुधारणेच्या नावाखाली नकारात्मक बदल केले आहेत. या विधेयकास आमचा विरोध आहे. या विधेयकामुळे माथाडी मंडळाच्या कामकाजातील स्वायत्तता, लोकशाही प्रक्रिया संपुष्टात येईल. असंघटितऐवजी अंगमेहनती शब्द टाकून कायद्याची व्याप्ती संकुचित केली आहे. यंत्राच्या साहाय्याशिवाय केलेल्या कामासच माथाडी कायद्याची अंमलबजावणी ठेवल्यास आज ज्यांना संरक्षण मिळाले, त्यांचेही संरक्षण धोक्यात येणार आहे. त्यामुळे हे विधयेक तत्काळ रद्द करावे. यावेळी गोरख लेंडवे, साताप्पा जाधव, भिकाजी पाटील, सचिन आवटी, मोहिद हुसेन सय्यद, अनिल बारड, कृष्णात चौगले आदी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.