महालक्ष्मी ॲपरल्स संगीत संध्या

22974
‘महालक्ष्मी ॲपरल्स’तर्फे
२० ला रंगणार संगीत संध्या
उस्ताद शुजात खान यांचे सतारवादन
कोल्हापूर, ता. १२ ः येथील गारमेंट क्षेत्रातील प्रसिध्द महालक्ष्मी ॲपरल्सतर्फे यंदाची संगीत संध्या २० ऑगस्टला रंगणार आहे. संगीतसूर्य केशवराव भोसले नाट्यगृहात सायंकाळी सहाला ही मैफल सजणार असून यंदा उस्ताद शुजात खान यांच्या सतारवादनाची अनुभूती घेता येणार आहे.
उस्ताद शुजात खान हे प्रसिध्द सतारवादक विलायत खान यांची परंपरा नेटाने पुढे नेत असून वडिलांसारखीच गायकी अंगाची त्यांची सतारवादनाची शैली आहे, जी मानवी स्वभाववैशिष्ट्यांचे अनुकरण करते. अनोखी शैली आणि तालावरील प्रभुत्व यामुळे जगभरातील रसिकांना त्यांनी नेहमीच भुरळ घातली आहे. सर्वोत्कृष्ट उत्तर भारतीय संगीतकारांपैकी ते एक असून भारतीय शास्त्रीय संगीताबरोबरच जगभरातील सांगीतिक शैलींचा सुरेख मिलाफ त्यांच्या वादनातून अनुभवायला मिळतो. त्यांचे संगीताचे विविध अल्बमही असून जगभरातील प्रतिष्ठेच्या व्यासपीठांवर त्यांनी सादरीकरण केले आहे. त्यांना प्रसिध्द तबलावादक अमित चौबे आणि सपन अंजरिया यांची तबला साथ असेल. मैफलीच्या विनामूल्य प्रवेशिका महालक्ष्मी ॲपरल्स (राजारामपुरी चौथी गल्ली), बिइंग ह्युमन (राजारामपुरी दुसरी गल्ली), द कलेक्शन (राजारामपुरी सातवी गल्ली), फॉर्च्युन प्लाझा (इचलकरंजी), संकेश्‍वर रोड (गडहिंग्लज), ब्लॅकबेरी (सांगली) येथील शोरूममध्ये उपलब्ध केल्या आहेत.