विज्ञानवारी प्रकल्प कार्यशाळा आज, उद्या

विज्ञानवारी प्रकल्प
कार्यशाळा आज, उद्या
गडहिंग्लज : येथील मराठी विज्ञान परिषदेतर्फे आज व उद्या (ता. १९ व २०) सकाळी १० ते ५ या वेळेत विज्ञानवारी प्रकल्पासाठी विद्यार्थ्यांची कार्यशाळा आयोजित केली आहे. मुंबई मराठी विज्ञान परिषद व पुण्याच्या प्राज इंडस्ट्रीतर्फे ही कार्यशाळा होणार आहे.
भाजी मंडईच्या दुसऱ्‍या मजल्यावरील सायन्स सेंटरमध्ये ही कार्यशाळा होईल. कार्यशाळेत पुणे, पेडणे, लोणावळा, कोल्हापूर, इस्लामपूर, बिद्री, आजरा, चंदगड, निपाणी व गडहिंग्लज विज्ञान परिषदेच्या संलग्नीत १०० महाविद्यालयातील विद्यार्थी सहभागी होणार आहेत. मुंबईचे अभय यावलकर, विजय लाळे, प्रकाश मोडक, केतन शेलार हे आवाजाची दुनिया, विद्युत चुंबक, गुरुत्वमध्य, पृष्टीय ताण, घनता, प्रकाश, विविध रासायनिक प्रक्रिया आदी विषयावर प्रयोग करुन दाखवण्यासह मार्गदर्शन करणार आहेत. कार्यशाळेच्या अध्यक्षपदी जे. बी. बारदेस्कर असून डॉ. दिलीप साठे, प्राचार्य डॉ. डी. व्ही. घेवडे प्रमुख पाहुणे आहेत.