नवरात्रोत्सवात गरबा - दांडियाची धुम

नवरात्रोत्सवात गरबा - दांडियाची धूम

सकाळ वृत्तसेवा
कोल्हापूर, ता. १३ ः यंदा विविध दुर्गामाता मंडळांकडून गरबा-रास दांडियाचे आयोजन केले आहे. दरवर्षीप्रमाणे गुजराती बांधवांकडून शाहूपुरीत गरबा रंगणार आहे.
स्वामी समर्थ मित्र मंडळ, संभाजीनगर रोड, सानेगुरूजी सांस्कृतिक क्रीडा मंडळ, सानेगुरूजी, राधेय ग्रुप, रावजी मंगल कार्यालयासमोर शिवनेरी तरुण मंडळ, सानेगुरूजी वसाहत, उत्तरेश्वर महादेव मंदिर परिसर, उत्तरेश्वर पेठ, न्यू शाहूपुरी तालीम मंडळ, बेकर गल्ली, स्वराज्य महिला मंडळ, कनाननगर व जिल्हाधिकारी कार्यालयाजवळील नवदुर्गा महिला मंडळ यांच्यासोबत उपनगरातील मुख्य चौकातही दांडियाचे आयोजन केले आहे. दरम्यान, रोटरी क्लब ऑफ मिडटाऊनतर्फे मार्केट यार्ड येथे रामकृष्ण लॉनमध्ये बुधवारी (ता. १८), तर शनिवारी (ता. २१) हॉटेल सयाजीमध्ये, रेसिडेन्सी क्लबमध्ये गरबा होईल. शाहूपुरीतील गुजराती हायस्कूलमध्येही दररोज रास गरबा रंगणार आहे.