आजरा ः सर्फनाला प्रकल्पग्रस्तांची बैठक बातमी

ajr132.jpg
आजरा ः येथील सर्फनाला प्रकल्पग्रस्तांच्या बैठकीत मार्गदर्शन करताना आमदार प्रकाश आबिटकर. यावेळी उपस्थित प्रांताधिकारी वसुंधरा बारवे, तहसीलदार समीर माने, सहाय्यक पोलीस निरीक्षक सुनिल हारुगडे, माजी नगराध्यक्षा ज्योत्स्ना चराटी, कार्यकारी अभियंता रोहीत बांदिवडेकर आदी.
...

सर्फनाला प्रकल्पग्रस्तांचे प्रश्न सोडवण्यासाठी कटिबध्द
आमदार आबिटकर ः आजऱ्यात सर्फनाला प्रकल्पग्रस्तांची बैठक
सकाळ वृत्तसेवा
आजरा, ता. १३ ः ‘सर्फनाला प्रकल्पाचे काम गतीने होण्याबरोबर प्रकल्पग्रस्तांचे प्रश्न मार्गी लागावेत यासाठी कटिबध्द आहे. धोरणात्मक व छोटे- छोटे प्रश्न सोडवण्यासाठी प्रशासनाबरोबर बैठकांचे आयोजन केले जात आहे. दर आठवड्याला सर्फनालाबाबत बैठक घेवून आढावा घेतला जाईल’, अशी ग्वाही आमदार प्रकाश आबिटकर यांनी दिली.
येथील मध्यवर्ती प्रशासकीय इमारतीमध्ये संकेश्वर- बांदा महामार्ग प्रश्नावर बैठक झाली. आमदार आबिटकर बैठकीच्या अध्यक्षस्थानी होते. यावेळी प्रांताधिकारी वसुंधरा बारवे, तहसीलदार समीर माने, सहाय्यक पोलीस निरीक्षक सुनिल हारुगडे, माजी नगराध्यक्षा ज्योत्स्ना चराटी, सर्फनाला प्रकल्पाचे कार्यकारी अभियंता रोहीत बांदिवडेकर प्रमुख उपस्थित होते.
रामलिंग मंदिर हे जंगलात असल्याने त्याची नुकसान भरपाईची रक्कम देता येणार नाही, असे प्रांताधिकारी बारवे यांनी सांगितले. यावर कॉ. संपत देसाई यांनी आक्षेप घेतला. ते म्हणाले, ‘वनहक्काच्या कायद्याने मंदिर हे ग्रामस्थांच्या मालकीचे असून त्याची नुकसान भरपाई देता येते.’ यावर श्रीमती बारवे यांनी संमती दर्शवली. ‘सर्फनाला प्रकल्पामध्ये तिसरे गावठाण आंबाडे येथे मंजूर करावे. यामुळे प्रकल्पग्रस्त शेतकऱ्यांना शेती कसणे सहज शक्य होईल,’ असे कॉ. देसाई यांनी सांगीतले. यावर बारवे यांनी हरकत घेतली. पुनर्वसनाच्या आराखड्यात तिसरे गावठाण नसल्याचे सांगितले. कॉ. देसाई म्हणाले, ‘आठ किलोमीटरच्या आत चित्री प्रकल्पग्रस्तांसाठी चित्रानगर, आवंडी व रायवाडा ही गावठाणे वसवली आहेत. याची माहीती प्रशासनाने घ्यावी. पुनर्वसनाच्या आराखड्यात वेळोवेळी बदल करण्यात आले आहेत. त्यामुळे तिसऱ्या गावठाणाबाबत प्रशासन मार्ग काढू शकते.’ आमदार आबिटकर यांनी प्रकल्पग्रस्तांना विश्वास घेवून प्रकल्पाचे काम मार्गी लावू, असा विश्वास दिला. यावेळी गोविंद पाटील, अशोक मालव, सुरशे मिटके, संतोष पाटील, प्रकाश शेटगे, पुंडलिक शेटगे यांनी सूचना मांडल्या.