पाच शासकीय विद्यानिकेतनचा आजपासून महामेळावा

पाच शासकीय विद्यानिकेतनचा आजपासून महामेळावा

पाच शासकीय विद्यानिकेतनचा
आजपासून महामेळावा

कोल्हापूर ः राज्यातील विविध पाच शासकीय विद्यानिकेतनच्या माजी विद्यार्थ्यांच्या महास्नेहमेळावाचे उदघाटन रामकृष्ण हॉलमध्ये उद्या, शनिवारी सकाळी नऊ वाजता होणार आहे. पुसेगाव, छत्रपती संभाजीनगर, चिखलदरा, धुळे, केळापूर येथील शासकीय विद्यानिकेतनच्या माजी विद्यार्थ्यांचा मेळावा पुसेगाव विद्यानिकेतनने आयोजित केला आहे. या पाचही विद्यानिकेतनचा सर्वांगीण कायापालट करण्याच्या उद्देशाने सर्व माजी विद्यार्थी संघटित होत आहेत. ते विद्यानिकेतनांना मदतीचा हात देणार आहेत. मेळाव्यासाठी राज्यभरातील काही विद्यार्थी आज कोल्हापुरात आले. त्यांचे पारंपारिक वाद्यांच्या गजरात उत्साहामध्ये स्वागत करण्यात आले. त्यांची नोंदणी करण्यात आली. मेळाव्याचे उदघाटन शनिवारी या विद्यानिकेतनच्या माजी विद्यार्थी संघटनेचे अध्यक्ष धनराज गरड यांच्या हस्ते होणार आहे. यावेळी स्मरणिका प्रकाशन, माहितीपटाचे प्रदर्शन आणि सायंकाळी सांस्कृतिक कार्यक्रम होईल. रविवारी (ता.५) माजी विद्यार्थी संघटनेबाबत चर्चा, आजी-माजी प्राचार्य, शिक्षक, कर्मचाऱ्यांच्या सत्काराचा कार्यक्रम होणार असल्याची माहिती संयोजक अतुल मंडपे यांनी दिली.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com