रंगली स्वरांजली मैफल

60978
कोल्हापूर ः भारत संगीत विद्यालयाच्या विद्यार्थ्यांनी ‘स्वरांजली‘ मैफलीत व्हायोलिन, सतार, तबला, दीलरुबा अशा विविध वाद्यांचे सादरीकरण केले.

देवल क्लबमध्ये रंगली स्वरांजली मैफल
विविध वाद्यांच्या सादरीकरणातून जुन्या, नव्या गाण्यांचा मेळ
कोल्हापूर, ता. २७ : गायन समाज देवल क्लबच्या गोविंदराव टेंबे सभागृहामध्ये स्वरांजली मैफल सजली. (कै) वसंतराव माईंणकर, (कै) सदाशिवराव नवांगुळे यांना भारत संगीत विद्यालयातर्फे ही अनोखी आदरांजली वाहण्यात आली.
विद्यार्थ्यांनी व्हायोलिन, सतार, तबला, दिलरुबा अशा विविध वाद्यांच्या सादरीकरणातून जुन्या, नव्या गाण्यांचा मेळ घालत ‘राग यमन कल्याण’वर आधारित अनेक बहारदार गीते सादर केली.
गणेश वंदना, गणेश आरतीने मैफलीला प्रारंभ झाला. ‘जयोस्तुते‘ आणि ‘वंदे मातरम्’ने मैफलीची सांगता झाली. राग भूप, राग काफी, राग मारूबिहाग, राग हमीर या रागांची झलकही पेश झाली. ‘सुन्या सुन्या मैफिलीत माझ्या‘, ‘यूं हसरतों के दाग'' सारख्या गीतांनी मैफलीची उंची वाढवली. फायनल काउंटडाऊन यासारखा अभिनव उपक्रम व्हायोलिनसारख्या शास्त्रीय संगीत पूरक वाद्यातून प्रस्तुत झाला. १९५० साला पासून आजवर भारत संगीत विद्यालयामध्ये संगीत शिकणारे विद्यार्थी कार्यक्रमाला उपस्थित होते. अरुण डोंगरे, प्रभाकर देशपांडे, राजप्रसाद धर्माधिकारी यांची प्रमुख उपस्थिती होती. अनघा किणिंगे यांनी निवेदन केले.