अथायू हॉस्पिटलमध्ये पहिले किडनी प्रत्यारोपण यशस्वी

अथायू हॉस्पिटलमध्ये पहिले
किडनी प्रत्यारोपण यशस्वी
ःसकाळ वृत्तसेवा
कोल्हापूर, ता. ३ ः अथायू हॉस्पिटलमध्ये डायलेसिस उपचार घेणाऱ्या सांगलीच्या ५५ वर्षीय रुग्णाचे किडनी प्रत्यारोपण करण्यात आले. त्यांच्या पत्नीने आपली किडनी देण्याचा निर्णय घेतला आणि पतीला खंबीर साथ दिली. अथायू हॉस्पिटलने पहिले किडनी प्रत्यारोपण यशस्वी केल्याची माहिती डॉ. बसवराज कडलगे यांनी पत्रकार परीषदेत दिली.
२६ जानेवारीला तीन तास चाललेल्या शस्त्रक्रियेमध्ये डॉ. राहूल पाटील, डॉ. हनमशेट्टी, डॉ. दादा कोळी, डॉ. रोहीत पाटील, डॉ. प्रवीण घुले, डॉ. टीना गांधी, डॉ. शुभांगी पवार, डॉ. अमोल धर्माधिकारी या अनुभवी तज्ज्ञांचे योगदान महत्त्वाचे ठरले. विशेष म्हणजे पहिलेच प्रत्यारोपण असूनही संपूर्ण प्रक्रिया कोल्हापूरच्या तज्ज्ञांनी पार पाडल्याचे डॉ. कडलगे म्हणाले. अवयव प्रत्यारोपण शस्त्रक्रियेसाठी व उपचारासाठी यापुढे मोठ्या शहरात जाण्याची आवश्यकता नसून अथायू हॉस्पिटलमध्ये सुविधा उपलब्ध झाली आहे.