खूनाच्या बातमीला जोड

खूनाच्या बातमीला जोड

खूनाच्या बातमीला जोड
----------------
हल्ल्याचा व्हिडिओ व्हायरल
अजय शिंदे याच्यावर हल्ला होतानाचा व्हिडिओ क्षणार्धात व्हायरल झाला. निपचित पडलेल्या अजयवर सपासप वार करणारे तरुण, असा हा व्हिडिओ आहे. पोलिसांनी व्हिडिओत दिसणाऱ्या तरुणांचा शोध सुरू केला आहे.

हल्लेखोरांचा पाठलाग
अजयवर हल्ला करण्यासाठी १० ते १२ जण आले होते. त्यावर हल्ला केल्यानंतर एकच धावपळ उडाली. काहीजण सोबत आणलेल्या मोटारीच्या दिशेने धावले, पण जाऊळाचा गणपती मंदिरासमोर वाहतूक कोंडी झाली होती. अजयसोबत आलेल्या साथीदारांनी आरडाओरडा सुरू केल्याने चौकातील वाहतूक पोलिस घटनास्थळाकडे धावले. पकडले जाण्याच्या भीतीने मोटारीतील संशयित मोटार रस्त्यात सोडून पळून गेले. त्यातील दोघांचा अजयच्या साथीदारांनी काही अंतरापर्यंत पाठलाग केल्याचे नागरिकांनी सांगितले.

फुलेवाडीच्या दिशेने पलायन
मोटारीतील हल्लेखोर गल्लीबोळातून पळत सुटले. दुचाकीवरून आलेल्या चौघांनीही रंकाळा टॉवर चौकाकडे न येता फुलेवाडीच्या दिशेने धूम ठोकली. गस्तीवर आलेल्या पोलिसांच्या गाडीनेही त्यांचा पाठलाग करण्याचा प्रयत्न केला; मात्र वाहतूक कोंडीने हल्लेखोर पळून जाण्यात यशस्वी झाले.

यादवनगरात तणाव
मृत अजय शिंदे आणि हल्लेखोर तरुण एकाच भागात राहणारे आहेत. गेल्या काही महिन्यांपासून त्यांच्यात वाद सुरू होता; मात्र राजारामपुरी पोलिसांचे याकडे दुर्लक्ष असल्याचा आरोप होत आहे. गुरुवारी रात्री सीपीआर आणि यादवनगर परिसरात तणावाचे वातावरण असल्याने तेथे पोलिस बंदोबस्त तैनात करण्यात आला होता.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com