श्री परशुराम जन्मोत्सव भव्य - दिव्य करणार

श्री परशुराम जन्मोत्सवानिमित्त
विविध कार्यक्रमांचे आयोजन
सकाळ वृत्तसेवा
कोल्हापूर, ता. २५ : जिल्ह्यातील व आसपासच्या परिसरातील बहुभाषिक ब्राह्मण समाजातर्फे श्री परशुराम जन्मोत्सव मोठ्या उत्साहात साजरा करण्याचा निर्णय झाला आहे. १० मे रोजी होणाऱ्या जन्मोत्सव कार्यक्रमासाठी ब्राह्मण सभा करवीर, मंगलधाम हॉल येथे बैठक झाली. बैठकीत भगवान श्री परशुराम जयंतीनिमित्त मागीलवर्षी प्रमाणेच सोहळ्यात भगवान श्री परशुराम पालखी, झांज पथक, वारकरी संप्रदाय, लेझीम पथक, ब्राह्मण समाजातील संत, महात्मे, क्रांतिकारक, खेळाडू, इतिहासकार व सर्व क्षेत्रातील योगदान देणाऱ्यांचे विविध फलक, व सजीव भूमिकेतून चित्ररथाचे नियोजन करण्यात येणार आहे.
या सोहळ्याचा मार्ग बिनखांबी गणेश मंदिर, महाद्वार रोड, ताराबाई रोड, छत्रपती शिवाजी महाराज यांचा अर्धकृती पुतळा, गांधी मैदान मार्गे पेटाळा असा होईल. संध्याकाळी ७.१५ ला भगवान श्री परशुराम यांचा जन्मोत्सव, पाळणा, आरती, सुंठवडा वाटप व महाप्रसाद असे नियोजन केले आहे. तरी सहभागी होण्याचे व देणगीचे आवाहन ब्राह्मण सभा करवीर मंगलधाम, कोल्हापूर चित्पावन संघ, कऱ्हाडे ब्राह्मण संघ, सारस्वत विकास महामंडळ, अखिल ब्राह्मण महासंघ, ब्राह्मण बिझनेस फोरम, बहुउद्देशीय ब्राह्मण संघ, करवीर निवासिनी पुरोहित मंडळ, हक्कदार श्री पूजक मंडळ, परशुराम चषक क्रिकेट समिती, वेद चॅरिटेबल, ब्राह्मण जागृती सेवा संघ, मध्व ब्राह्मण संघ, सर्व हिंदुत्ववादी संघटना व इतर समस्त ब्राह्मण संस्थांचे पदाधिकारी व संचालक मंडळातर्फे करण्यात आले आहे.