संवाद कौशल्यावरच संस्थेची प्रगती

GAD294.JPG
80523
गडहिंग्लज : रवळनाथ हौसिंग फायनान्समध्ये आयोजित व्याख्यानात हेमंत बागडे यांनी मार्गदर्शन केले. यावेळी एम. एल. चौगुले, डॉ. आर. एस. निळपणकर उपस्थित होते.
----------------------------------------------
संवाद कौशल्यावरच संस्थेची प्रगती
हेमंत बागडे : गडहिंग्लजला ‘रवळनाथ’मध्ये व्याख्यान
सकाळ वृत्तसेवा
गडहिंग्लज, ता. २९ : कुशल कर्मचारी, त्यांचा जनसंपर्क व संवाद कौशल्‍य यावरच संस्थेची प्रगती शक्य आहे. यामुळे कर्मचाऱ्यांनी ही कौशल्ये आत्मसात करायला हवीत, असा सल्ला पुण्याच्या कॉसमॉस बॅंकेचे निवृत्त अधिकारी व रवळनाथ, पुणे शाखेचे सल्लागार हेमंत बागडे यांनी दिला.
श्री रवळनाथ को-ऑप. हौसिंग फायनान्स सोसायटीतर्फे आयोजित बॅंकिंग क्षेत्रासंबंधी मार्गदर्शन व्याख्यानात ते बोलत होते. रवळनाथचे संस्थापक अध्यक्ष एम. एल. चौगुले अध्यक्षस्थानी होते. चौगुले म्हणाले, ‘संस्थेच्या प्रगतीत कर्माचारी महत्त्‍वाचा घटक आहे. त्यांच्याकडून प्रभावी काम होण्यासाठी संस्था वेळोवेळी प्रशिक्षण वर्ग घेत असल्याने त्यांच्या ज्ञानात भर पडते.’ बागडे यांचा सत्कार चौगुले यांच्या हस्ते करण्‍यात आला. २०२३-२४ या वर्षातील शाखानिहाय कार्याचा अहवाल सादर केला. २०२४-२५ साठी ५०० कोटींच्या ठेवीचे उद्दिष्‍ट, संकल्प व गतसालातील ग्रामीण व शहरी भागातील सर्वोत्कृष्ठ शाखा म्हणून कुडाळ व गडहिंग्लज सुविधा केंद्राची घोषणा केली. यावेळी संचालक महेश मजती, मीना रिंगणे, आदी उपस्थित होते. डी. के. मायदेव यांनी स्वागत केले. श्वेता टोणण्णावर यांनी सूत्रसंचालन केले. संचालक डॉ. आर. एस. निळपणकर यांनी आभार मानले.