किशोरवयीन मुला-मुलींसाठी अवनि संस्थेतर्फे शिबिर

किशोरवयीन मुला-मुलींसाठी
अवनि संस्थेतर्फे शिबिर
कोल्हापूर : अवनि संस्थेअंतर्गत कचरावेचक महिलांच्या मुला-मुलींसाठी उन्हाळी सुटी दरम्यान वस्ती पातळीवर किशोरवयीन मुला-मुलींसाठी ‘चला, चौकटी बाहेरचे शिकू या,’ यावर शिबिर झाले. वस्ती पातळीवरील राजेंद्रनगर, विचारे मळा, मुडशिंगी, रेंदाळ, सलोखे पार्क येथील कचरावेचक महिलांच्या १३० मुला-मुलींनी यात सहभाग घेतला. किशोरवयीन मुला-मुलींत होणारे शारीरिक, मानसिक, भावनिक, सामाजिक बदलाविषयी मार्गदर्शन केले. मुलांचे अधिकार आणि कर्तव्य, मी इतरांपेक्षा वेगळा आहे, सौंदर्य, मैत्री, प्रेम, आकर्षण, वयात येताना होणारे बदल, व्यसन, करिअर मार्गदर्शन, बौध्दिक आणि मनोरंजनात्मक खेळ याविषयी यावेळी मार्गदर्शन करण्यात आले.
शिबिरास इम्रान शेख, शाहरुख आटपाडे, जयश्री कांबळे यांनी मार्गदर्शन केले. अवनि संस्थेच्या अध्यक्षा अनुराधा भोसले यांच्या मार्गदर्शनाखाली शिबिर झाले. वनिता कांबळे, मनीषा कांबळे, अलनिसा गनिभाई, लता धुमाळ, सारिका मागाडे, रेश्‍मा चव्हाण आदींनी परिश्रम घेतले.