रस्ते कामाला सुरुवात

निर्मिती कॉर्नर
रस्त्याचे काम सुरू

कोल्हापूर ः जवळपास महिन्यापूर्वी रुंदीकरणाचे काम करून ठेवलेल्या निर्मिती कॉर्नर ते कळंबा कारागृह या रस्त्याच्या प्रत्यक्ष कामाला आजपासून सुरुवात झाली. त्यामुळे रस्त्याची एक बाजू बंद करावी लागली असल्याने वाहतुकीची कोंडी होत होती.
नगरोत्थानमधून १०० कोटींचे रस्ते मंजूर झाले असून, त्याच्या कामाला गती आलेली नव्हती. पाच रस्ते पहिल्या टप्प्यात पावसाळ्यापूर्वी पूर्ण करायच्या सूचना प्रशासक के. मंजुलक्ष्मी यांनी दिल्या आहेत. पण विविध कारणांमुळे रस्त्यावरील काही कामे होतात व काही होत नाहीत असे चित्र आहे. यादवनगर, निर्मिती कॉर्नर, जरगनगर या रस्त्यांचे रुंदीकरण झाले आहे. तिथे पुढील कामेच झालेली नव्‍हती. मंगळवार पेठेतील व बेलबागेतील रस्त्याचे काम रखडले आहे.
या पार्श्‍वभूमीवर निर्मिती कॉर्नर ते कळंबा कारागृह या भागात प्रत्यक्ष कामाला सुरुवात केली आहे. त्यासाठी एक बाजूचे डांबरीकरण, खडी मशिनरीद्वारे खरडून काढली जात आहे. त्यामुळे वाहतुकीला एकच बाजू सुरू असल्याने वाहतुकीची कोंडी होत होती.