सिंबायोसिस स्कूलमध्ये कुंभोजकरांचे व्याख्यान

gad24.jpg
81015
हरळी बुद्रूक : सिंबायोसिस स्कूलमध्ये आयोजित कार्यक्रमात नीलेश कुंभोजकर यांचा सत्कार डॉ. सतीश घाळी. शेजारी शिवराम कुलकर्णी, मिलिंद चौधरी, वहिदा मुल्ला उपस्थित होते.
--------------------------
सिंबायोसिस स्कूलमध्ये
कुंभोजकरांचे व्याख्यान
सकाळ वृत्तसेवा
गडहिंग्लज, ता. २ : हरळी बुद्रूक (ता. गडहिंग्लज) येथील सिंबायोसिस स्कूलमध्ये सिंबायोसिस सोसायटीचे माहिती तंत्रज्ञान विभागप्रमुख नीलेश कुंभोजकर यांचे व्याख्यान झाले. करिअरच्या संधी याबाबत त्यांनी माजी विद्यार्थ्यांना मार्गदर्शन केले. सिंबायोसिस एसएससीडीचे रजिस्ट्रार मिलिंद चौधरी यांची प्रमुख उपस्थिती होती.
यावेळी कुंभोजकर म्हणाले, ‘बदलत्या काळात नवनवीन तंत्रज्ञान आत्मसात करणे गरजेचे आहे. खेडेगावातील विद्यार्थ्यांच्या अंगी कौशल्य असते. मात्र, त्यांना म्हणावी तशी संधी उपलब्ध होत नाही. संधी मिळाली तर निश्चितच ते यशाच्या शिखरावर पोहोचू शकतात.’ सिंबायोसिस शाळा व्यवस्थापन समितीच्या निमंत्रित सदस्यपदी निवड झाल्याबद्दल शिवराम कुलकर्णी यांचा सत्कार झाला. सिंबायोसिस व्यवस्थापन समितीचे सदस्य डॉ. सतीश घाळी व शिवराम कुलकर्णी यांचीही भाषणे झाली. यावेळी रावसाहेब मुरगी, संतोष आंबी, राजेंद्र शेलार, अतुल अहिरे, अशोक पाटील आदी उपस्थित होते. मुख्याध्यापिका वहिदा मुल्ला यांनी स्वागत केले. कविता कागिनकर यांनी सूत्रसंचालन केले.