शिवजयंती मिरवणूक

83056
बेळगाव : येथे शिवजयंती मिरवणुकीत तरुणाईने उत्साहात सहभाग दाखवत शिवकाळ जागवला.
....

बेळगावात साकारला शिवकाळ

शिवजयंती मिरवणूक ः जिवंत देखाव्यामधून इतिहास सादर

सकाळ वृत्तसेवा
बेळगाव, ता. ११ : छत्रपती शिवाजी महाराजांचा अखंड जयघोष करत बेळगावात जिवंत देखाव्यांमधून छत्रपती शिवाजी महाराजांचा इतिहास सादर करण्यात आला. पावसाची छाया असताना देखील शिवजयंती चित्ररथ मिरवणुकीने शिवकाळ जागवत शिवप्रेमींच्या डोळ्याचे पारणे फेडले. रात्री उशिरा मिरवणूक सुरू झाली, तरी पहाटेपर्यंत उत्साह कायम होता.
बेळगाव शहर आणि परिसरातील ऐतिहासिक शिवजयंती उत्सव मिरवणुकीला पावसामुळे विलंब झाला. तसेच रात्री दहानंतर चित्ररथ देखावा सादर करण्यास सुरुवात झाली. यावेळी सह्याद्रीपुत्र युवक मंडळाने छत्रपती शिवाजी महाराजा यांच्यावर करण्यात आलेला विषप्रयोग, एकदंत युवक मंडळ समर्थनगर यांनी कोंडाजी फर्जंद, अनंतशयन गल्ली येथील भगवे वादळ युवक मंडळाने छत्रपती शिवाजी महाराजांचा जन्मोत्सव, ताशिलदार गल्लीतील मंडळाने प्रतापराव गुर्जर यांचा पराक्रम, पाटील गल्ली येथील भगतसिंग चौक मंडळाने अफजल खान वध हा देखावा सादर केला. यासह बेळगाव शहरातील अनेक मंडळानी जिवंत देखावे सादर केले. त्यामुळे शहरासह विविध भागातून आलेल्या शिवप्रेमींना महाराजांचा इतिहास जवळून अनुभवता आला. मध्यवर्ती शिवजयंती उत्सव महामंडळाचे पदाधिकारी व कार्यकर्ते देखील रात्री उशिरापर्यंत मंडळांना सूचना करताना दिसून येत होते. त्यामुळे मिरवणूक शांततेत पार पडली.