इचलकरंजी महापालिकेला पोलिस बंदोबस्ताची प्रतीक्षा

इचलकरंजी महापालिकेला पोलिस बंदोबस्ताची प्रतीक्षा

इचलकरंजी महापालिकेला
पोलिस बंदोबस्ताची प्रतीक्षा

फेरीवाला अतिक्रमण मोहीम रखडली
सकाळ वृत्तसेवा
इचलकरंजी, ता. १५ : शहरातील फेरीवाल्यांच्या अतिक्रमणाविरोधात महापालिका धडक मोहीम राबवणार आहे. पण, त्यासाठी अद्याप आवश्यक पोलिस बंदोबस्त मिळालेला नाही. त्यामुळे तूर्तास ही मोहीम रखडली आहे. महापालिका प्रशासनाने पोलिस प्रशासनाकडे पोलिस बंदोबस्ताची मागणी केली आहे. पण, त्याला अद्याप मुहूर्त मिळालेला नाही.
शहरात फेरीवाल्यांच्या अतिक्रमणाचा गंभीर प्रश्न निर्माण झाला आहे. मुख्य मार्ग तर फेरीवाल्यांच्या अतिक्रमणामुळे झाकोळला गेला आहे. त्यामुळे वाहनधारकांना कसरत करीत अनेकवेळा मार्ग काढावा लागतो. याबाबत महापालिकेकडे तक्रारी झाल्या आहेत. त्यामुळे पोलिस बंदोबस्तात फेरीवाल्यांचे अतिक्रमण दूर करण्याचा निर्णय महापालिका प्रशासनाने घेतला होता. त्यासाठी प्रशासनाकडून पोलिस विभागाकडे बंदोबस्त मागवला होता. त्यामुळे दोन दिवसांत फेरीवाल्यांच्या अतिक्रमणाविरोधात धडक मोहीम राबविण्याची तयारी महापालिका प्रशासनाने केली होती. मात्र, अद्याप पोलिस बंदोबस्त मिळाला नसल्याची माहिती महापालिका प्रशासनाकडून दिली. त्यामुळे तूर्त ही मोहीम रखडल्यात जमा आहे.
----------
सुरक्षारक्षक कशासाठी?
महापालिकेने १६ सुरक्षारक्षकांची नियुक्ती केली आहे. त्यांच्या वेतनावर लाखो रुपये खर्ची पडतात. पोलिसांप्रमाणेच त्यांना अधिकार असल्याचे सांगण्यात येते. त्यामुळे अतिक्रमण निर्मूलन मोहिमेवेळी त्यांचा वापर करता येणे शक्य आहे. त्याबाबत महापालिका प्रशासनाने विचार करण्याची गरज आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com