शरद इन्स्टिट्यूटच्या आठ विद्यार्थ्यांची निवड

शरद इन्स्टिट्यूटच्या आठ विद्यार्थ्यांची निवड
सकाळ वृत्तसेवा
दानोळी, ता. १६ ः यड्राव येथील शरद इन्स्टिट्यूट ऑफ टेक्नॉलॉजी, कॉलेज ऑफ इंजिनिअरिंगच्या इलेक्ट्रिकल व मेकॅनिकल विभागातील आठ विद्यार्थ्यांची एक्साइड इंडस्ट्रीज लि., या नामांकित कंपनीत निवड झाली.
लेक्ट्रिकलमधील विनोद पाटील, विश्वजित यादव, रोहन जाधव, वैभव म्हातुगडे, विशाल उगरे, मेकॅनिकलच्या रोहन मगदूम, अक्षय मदने, आशिष कोळी यांना संधी मिळाली.
एक्साइड जगातील सर्वात विस्तृत श्रेणीतील लीड ॲसिड स्टोरेज बॅटरीजचे डिझाईन, उत्पादन, मार्केटिंग आणि विक्री करते. ज्यामुळे ॲप्लिकेशन्सच्या विस्तृत स्पेक्ट्रमचा समावेश होतो. पाच खंडांमध्ये पसरलेल्या ४६ राष्ट्रांमध्ये कंपनी काम करते. महाविद्यालयात विद्यार्थ्यांना कौशल्य अवगत होण्यासाठी इनोव्हेशन सेंटरअंतर्गत दिलेल्या प्रशिक्षणाचा विद्यार्थ्यांना फायदा झाला. महाविद्यालयाकडून विद्यार्थ्यांसाठी स्पेशल अॅप्टीट्युड ट्रेनिंग, टेक्निकल स्कीलचे वेगळे प्रशिक्षण तसेच मॉक इंटरव्ह्यू यासह टेक्निकल सेशन, व्हॅल्यू अॅडेड प्रोग्रॅम, कंपनी स्पेसीपिक ट्रेनिंग, अद्ययावत तंत्रज्ञानाबाबत कंपनीतील व इंडस्ट्री क्षेत्रातील तज्ज्ञांमार्फत मार्गदर्शन यासह विविध उपक्रम राबवले जातात. निवड झालेल्या विद्यार्थ्यांचे संस्थेचे अध्यक्ष, आमदार डॉ. राजेंद्र पाटील- यड्रावकर, कार्यकारी संचालक अनिल बागणे यांनी अभिनंदन केले. प्रा. नेहा सोनी, प्रा. अभिजित केकरे आदींचे सहकार्य लाभले.