पी.एन.पाटील प्रतिक्रिया

कोल्हापूर जिल्ह्यातील जनसामान्यांचा व कार्यकर्त्यांचा जिव्हाळा लाभलेले आमदार पी. एन. पाटील यांच्या आकस्मिक निधनाचे वृत्त धक्कादायक आहे. सहकार क्षेत्राच्या माध्यमातून विकासाचा मार्ग दाखवत सामान्य माणसाचे जीवनमान सुधारण्याची त्यांची तळमळ वाखाणण्याजोगी होती. या प्रेमातूनच करवीरच्या जनतेने त्यांना दोन वेळा आमदारकी बहाल केली.
- एकनाथ शिंदे, मुख्यमंत्री
....
आमदार पी. एन. पाटील यांच्या निधनाचे वृत्त अतिशय दुःखद आहे. अत्यंत शांत, संयमी आणि काँग्रेस पक्षाचे निष्ठावंत नेते म्हणून त्यांची ओळख होती. त्यांच्या कुटुंबीयांप्रती माझ्या सहसंवेदना व्यक्त करतो.
- शरद पवार, ज्येष्ठ नेते