दौलत-अथर्वचे सात लाख टन गाळपाचे उद्दिष्ट

chd33.jpg :
87553
हलकर्णी : दौलत अथर्व कारखान्यात मिल रोलर पूजन प्रसंगी संचालक विजय पाटील आदी.
-----------------------
दौलत-अथर्वचे सात लाख टन गाळपाचे उद्दिष्ट
विजय पाटील : २०२४-२५ हंगामासाठी मिल रोलरचे पूजन
सकाळ वृत्तसेवा
चंदगड, ता. ३ : दौलत अथर्व कारखान्याकडे चालू गळीत हंगामासाठी १६ हजार २५० हेक्टर क्षेत्राची नोंद झाली आहे. त्यानुसार या वर्षी सात लाख टन गाळपाचे उद्दिष्ट निश्‍चित केल्याचे संचालक विजय पाटील यांनी सांगितले. २०२४-२५ हंगामासाठी त्यांच्या हस्ते मिल रोलर पूजन झाले. या वेळी ते बोलत होते. तांत्रिक व्यवस्थापक एम. आर. पाटील प्रमुख उपस्थित होते.
श्री. पाटील म्हणाले, ‘‘आतापर्यंत सर्व हंगामात ऊस उत्पादक शेतकऱ्यांची बिले वेळेवर आदा केली आहेत. तोडणी व वाहतूक यंत्रणेचीही बिले वेळेत दिली आहेत. या वर्षीही कारखाना पूर्ण क्षमतेने चालवण्यासाठी सक्षम तोडणी व वाहतूक यंत्रणेचे करार करण्याचे काम अंतिम टप्प्यात आहे.’’ कारखान्यातील यंत्रसामग्रीची देखभाल दुरुस्ती विवेकाने सुरू आहे. उद्दिष्ट साध्य करण्यासाठी कारखाना प्रशासन प्रयत्नशील आहे. कार्यक्षेत्रातील शेतकऱ्यांनी संपूर्ण ऊस कारखान्याला देऊन सहकार्य करावे, असे आवाहन केले.