पाणी बंद

ए, बी वॉर्डमधील पाणीपुरवठा आज, उद्या बंद
तपोवन मैदानाजवळ क्रॉस कनेक्शनचे काम; टॅंकरची व्यवस्था

सकाळ वृत्तसेवा
कोल्हापूर, ता. ३ ः तपोवन मैदान येथील क्रॉस कनेक्शनचे काम केले जाणार असल्याने मंगळवार (ता. ४) व बुधवारी (ता. ५) ए, बी वॉर्डमधील पाणीपुरवठा बंद राहणार आहे. त्यावर अवलंबून भागात टॅंकरने पाणीपुरवठा केला जाणार आहे.
अमृत योजनेंतर्गत तपोवन मैदान येथे मुख्य वितरण नलिकेस क्रॉस कनेक्शन केले जाणार आहे. उद्या (ता. ४) दुपारनंतर होणारा पाणीपुरवठा बंद राहणार आहे. गुरुवारीही (ता. ६) अपुरा व कमी दाबाने पाणीपुरवठा होणार आहे. ए, बी, वॉर्ड मधील वसंत विश्वास पार्क, अमरनाथ मंदिर परिसर, बाबूराव साळोखे पार्क परिसर, तपोवन परिसर, नाळे कॉलनी परिसर, जिवबा नाना जाधव पार्क परिसर, सुर्वेनगर परिसर, साळोखेनगर परिसर, रायगड कॉलनी परिसर, मोरे-माने नगर, संभाजीनगर स्टॅंड परिसर, शहाजी वसाहत परिसर, जरगनगर परिसर, हॉकी स्टेडियम परिसर, सुभाषनगर परिसर, वाय. पी. पोवारनगर परिसर, मंगळवार पेठ परिसर, शिवाजी पेठ, कणेरकरनगर परिसर, आपटेनगर परिसर, क्रांतिसिंह नाना पाटीलनगर परिसर, बोंद्रेनगर परिसर, सानेगुरुजी वसाहत परिसर, राधानगरी रोड परिसर आदी भागांत पाणीपुरवठा बंद राहणार आहे.