वेतनाच्या आश्‍वासनाची पूर्तता करावी

ich52.jpg
88216
इचलकरंजी : अंगणवाडी कर्मचारी संघातर्फे आमदार प्रकाश आवाडे यांना निवेदन दिले.

वेतनाच्या आश्‍वासनाची पूर्तता करावी
कोल्हापूर जिल्हा अंगणवाडी कर्मचारी संघातर्फे आमदार आवाडेंकडे मागणी
सकाळ वृत्तसेवा
इचलकरंजी, ता. ६ : अंगणवाडी सेविका, मदतनिसांच्या वेतन देण्याच्या आश्‍वासनाची पूर्तता करावी, या मागणीचे निवेदन कोल्हापूर जिल्हा अंगणवाडी कर्मचारी संघाच्या वतीने आमदार प्रकाश आवाडे यांना दिले.
वेतनाच्या मागणीसाठी अंगणवाडी सेविका, मदतनिसांनी आंदोलन केले होते. यावेळी महिला व बाल विकास मंत्री आदिती तटकरे यांनी आशा सेविकांचा मानधन वाढीचा प्रश्‍न मार्गी लागल्यानंतर हा प्रस्ताव मंत्रिमंडळात माडण्याचे आश्वासन दिले होते. त्या आश्‍वासनाची पूर्तता व्हावी, अशी मागणी आमदार यांच्याकडे केली आहे.
अंगणवाडी सेविका मदतनीस यांनी ४ डिसेंबर ते २५ जानेवारी असा ५२ दिवसांचा संप केला होता. यावेळी सेविकेस २६ हजार, तर मदतनिसांना २२ हजार वेतन देण्याची मागणी केली होती. आशांचा मानधन वाढीचा प्रश्न प्रलंबित असल्यामुळे त्यांचा प्रश्‍न सुटताच मंत्रिमंडळात प्रस्ताव मांडण्याचे आश्वासन दिले होते. याची नोंद सचिव अनुप कुमार यांच्याबरोबर झालेल्या बैठकीमध्ये झाली आहे. त्यानुसार मंत्री तटकरे यांच्याशी संपर्क करून त्यांना सूचित करावे. प्रश्‍नाबाबत पाठपुरावा करावा. वेतन लागू करण्याची चर्चा कृती समितीबरोबर व्हावी, यासाठी पाठपुरावा करावा. अंगणवाडी कर्मचाऱ्यांना पेन्शन लागू करण्याचा प्रस्ताव कृती समितीला अभ्यासासाठी उपलब्ध करून द्यावा, आदी मागण्या निवेदनाद्वारे केल्या आहेत. शिष्टमंडळात सुनील बारवाडे यांच्यासोबत अंगणवाडी सेविका, मदतनीस उपस्थित होत्या.