दिव्यांगासाठीचे आंदोलन तात्पुरते स्थगीत

दिव्यांगांसाठीचे आंदोलन तात्पुरते स्थगित
संग्राम सावंत ः आजऱ्यातील टोलमुक्ती आंदोलनाला पाठिंबा देणार
सकाळ वृत्तसेवा
आजरा, ता. ६ ः आजरा तहसीलदार कार्यालयावर सोमवारी (ता. १०) टोलमुक्ती आंदोलन होत आहे. यामुळे मुक्ती संघर्ष समितीने दिव्यांग व अन्य विषयांसाठी पुकारलेले बेमुदत आंदोलन तात्पुरते स्थगित केले आहे. अशी माहिती मुक्ती संघर्ष समितीचे राज्य अध्यक्ष संग्राम सावंत यांनी दिली आहे.
मुक्ती संघर्ष समितीच्या वतीने दिव्यांगांच्या बाबतीतील मागण्यांचा गांभीर्याने विचार करून कायदेशीररीत्या त्याची ताबडतोब सोडवणूक करावी. दिव्यांगांच्या न्याय्य हक्क मागण्यांसाठी तहसीलदार, मुख्याधिकारी, नगरपंचायत  व गटविकास अधिकारी आजरा यांना निवेदन देऊन चर्चा केली होती. याबाबतीत प्रशासनाने सकारात्मकरीत्या प्रश्न सोडवण्यासाठीचा पुढाकार घेऊन प्रश्न मार्गी लावले नाहीत, तर दिव्यांगांच्या विविध मागण्यांसाठी सोमवारी तहसीलदार व पंचायत समिती कार्यालयावर मोर्चा व नगरपंचायत कार्यालयासमोर बेमुदत ठिय्या आंदोलन केले जाणार होते; परंतु टोलमुक्ती आंदोलन असल्यामुळे मुक्ती संघर्ष समितीने आंदोलन तात्पुरते स्थगित करण्याचा निर्णय घेतला आहे. राज्याध्यक्ष संग्राम सावंत, सुरेश खोत, रूजाय डिसोझा, अबुसईद माणगावकर, संजय डोंगरे, बबन चौगुले, अहमद नेसरीकर, दिलीप कांबळे, इम्तियाज दिडबाग, अमिन कानडीकर, गौस माणगावकर, सुलेमान दरवाजकर, बबन कुरळे, आबुहुरेरा मानगावकर, जगदीश कुरुणकर, सुमिता चंदनवाले उपस्थित होते.