पोलिस वृत्त २

अपघातातील जखमीचा मृत्यू
कोल्हापूर, ता. ६ : सांगली फाट्यानजीक दुचाकी घसरून पडल्याने गंभीररित्या जखमी झालेल्या संभाजी बजरंग हेळवी (वय १९, रा. मायाक्का चिंचली, जि. बेळगाव) याचा उपचारादरम्यान मृत्यू झाला. बुधवारी (ता. ५) रात्री घडलेल्या अपघातानंतर उपचारासाठी तातडीने सीपीआरमध्ये दाखल करण्यात आले होते. अपघाताची नोंद सीपीआर पोलिस चौकीत झाली.

विषारी द्रव प्यायलेल्या
विवाहितेचा मृत्यू

कोल्हापूर : विषारी द्रव प्यायल्याने प्रकृती चिंताजनक बनलेल्या रुपाली विश्वास देवण्णार (वय ३५, रा. निलजी, ता. भूदरगड)यांचा सीपीआरमध्ये मृत्यू झाला. बुधवारी राहत्या घरी विषारी द्रव प्यायल्याने गडहिंग्लज येथील खासगी रुग्णालयात दाखल केले होते. प्रकृती गंभीर बनल्याने त्यांना पुढील उपचारासाठी सीपीआरमध्ये आणले होते. उपचारादरम्यान गुरुवारी (ता. ६) दुपारी त्यांचा मृत्यू झाला. याची नोंद सीपीआर पोलिस चौकीत झाली.