डॉ. ओमप्रकाश शेटे आज दौऱ्यावर

डॉ. ओमप्रकाश शेटे
आज दौऱ्यावर

कोल्हापूर : आयुष्मान भारत मिशन महाराष्ट्र समितीचे प्रमुख डॉ. ओमप्रकाश शेटे हे शनिवारी (ता. ८) जिल्हा दौऱ्यावर येत असून ते विविध कार्यक्रमांना उपस्थित राहणार आहेत. सकाळी ७.२० वाजता महालक्ष्मी एक्स्प्रेसने कोल्हापूर रेल्वे स्टेशन येथे त्यांचे आगमन होणार आहे. सकाळी ११ वाजता कोल्हापूर विमानतळ येथे प्रवाशांसाठी अथायु हॉस्पिटलच्या वैद्यकीय तपासणी कक्षाचा प्रारंभ कार्यक्रमास उपस्थिती, दुपारी दीड वाजता जिल्हाधिकारी कार्यालय येथे आयोजित आयुष्मान भारत, महात्मा जोतिबा फुले जनआरोग्य योजनेच्या आढावा बैठकीस उपस्थिती, दुपारी तीन वाजता टाकाळा रोडवरील संजीवनी कॅन्सर क्लिनिक प्रारंभ कार्यक्रमास उपस्थिती, रात्री आठ वाजता राखीव व मुक्काम राहणार आहे. रविवारी (ता. ९) सकाळी नऊ वाजता इचलकरंजी येथील शहीद भगतसिंग बाग परिसरातील नारायणी हॉस्पिटल येथे सदिच्छा भेट, दहा वाजता दाते मळा येथील श्री अग्रसेन भवन येथे जैन फ्रेंड सर्कल व अथायु हॉस्पिटलद्वारे आयोजित नि:शुल्क महाआरोग्य शिबिराच्या उद्‌घाटन समारंभास उपस्थिती, असा त्यांचा दौरा कार्यक्रम राहणार आहे. रात्री ८.५० वाजता महालक्ष्मी एक्स्प्रेसने त्यांचे मुंबईकडे प्रयाण होणार आहे.