अवैध गॅस भरणा केंद्रावर कारवाई

94415
...
अवैध गॅस भरणा केंद्रावर छापा
एकावर कारवाई : २५ हजार ५०० रुपयांचा मुद्देमाल जप्त
सकाळ वृत्तसेवा
कोल्हापूर, ता. २ : साळोखेनगर येथील भारतनगर झोपडपट्टी येथील अवैध गॅस भरणा केंद्रावर आज शहर पुरवठा विभागाने छापा टाकला. यामध्ये वजनकाटा, एक एचपी क्षमतेची मोटार, पाईप नोझल, १४ किलो वजनाचे दोन भरलेले सिलिंडर, तीन रिकामी सिलिंडर असा सुमारे २५ हजार सातशे रुपयांचा मुद्देमाल जप्त करण्यात आला. अवैध गॅस भरणा केंद्र महंमद अल्लाबक्ष मकानदार हा चालवत होता. त्याच्यावर राजारामपुरी पोलिस ठाण्यात गुन्हा दाखल करण्यात आला आहे. जिल्हा पुरवठा अधिकारी मोहिनी चव्हाण यांच्या मार्गदर्शनाखाली नितीन धापसे- पाटील (अन्नधान्य वितरण अधिकारी) यांच्यासह पुरवठा निरीक्षक मुकुंद लिंगम, भाऊसाहेब खोत व पुरवठा निरीक्षक अक्षय ठोंबरे यांनी ही कारवाई केली.