श्‍वान निर्बिजीकरण

भटक्या कुत्र्यांबाबत
पालिकेकडून आवाहन
कोल्हापूर : परिसरातील ज्या भटक्या श्‍वानांची प्रसूती झाली आहे, अशांची माहिती नागरिकांनी द्यावी. त्यानुसार त्यांच्यावर निर्बीजीकरण शस्त्रक्रिया करण्यास मदत होईल, असे आवाहन महापालिकेने केले आहे. भटक्या श्‍वानाची गर्भधारण झाल्यानंतर व पिल्ले जन्मल्यानंतर तत्काळ शस्रक्रिया करता येत नाही. ज्या श्‍वानांची प्रसूती होऊन किमान ५० दिवस पूर्ण झाले आहेत, त्यांच्यावरच शस्रक्रिया करावी लागते. अशांवर निर्बीजीकरण शस्त्रक्रिया करण्यासाठी महापालिकेतर्फे विशेष मोहीम हाती घेण्यात येणार आहे. यासाठी घराजवळील अथवा परिसरातील श्‍वानास पिल्ले होऊन किमान ५० दिवसांपेक्षा अधिक कालावधी झाला आहे, अशा श्‍वानांची माहिती पशुवैद्यकीय अधिकारी डॉ. विजय पाटील यांना द्यावी. त्यानुसार त्या श्‍वानांवर शस्रक्रिया करण्यास मदत होणार आहे.