‘एमसीए’ अभ्यासक्रमाची प्रवेश प्रक्रिया आजपासून

‘एमसीए’ची
प्रवेश प्रक्रिया
आजपासून

कोल्हापूर ः राज्य सामाईक प्रवेश परीक्षा कक्षाने आज विविध वीस पदवी आणि पदव्युत्तर अभ्यासक्रमांच्या तात्पुरत्या प्रवेश प्रक्रियेच्या प्रारंभाच्या तारखा आज जाहीर केल्या. त्यानुसार एमसीए अभ्यासक्रमाची प्रक्रिया उद्या, शनिवारपासून सुरू होणार आहे.
एमबीए., एमएमएस, एमई. एमटेक, एम. आर्किटेक्चर या अभ्यासक्रमांची प्रवेश प्रक्रिया ९ जुलैपासून, तर बी. फार्मसी. फार्मा डी, बी. एचएमसीटी या अभ्यासक्रमांची प्रक्रिया ११ जुलै आणि बी. डिझाईन., बीएड अभ्यासक्रमाची १२ तसेच एम. फार्मा., एम. एचएमसीटी अभ्यासक्रमाची प्रवेश प्रक्रिया १३ जुलैपासून सुरु होणार आहे. त्यामुळे या अभ्यासक्रमांसाठी प्रवेशित होण्यासाठी इच्छुक असलेल्या विद्यार्थ्यांना दिलासा मिळाला आहे.