‘गोकुळ’ निनावी पत्राच्या आधारे गुन्हे दाखल करावेत : शौमिका महाडिक

‘गोकुळ’ निनावी पत्राच्या आधारे गुन्हे दाखल करावेत : शौमिका महाडिक

‘गोकुळ’ला आलेल्या निनावी पत्राच्या
आधारे गुन्हे दाखल कराःशौमिका महाडिक

बदनामी नको म्हणून कारवाई मीच थांबवली

सकाळ वृत्तसेवा
कोल्हापूर, ता. ५ गोकुळच्या कारभारावर उच्च न्यायालयाने ताशेरे ओढले आहेत. त्यानुसार गोकुळचे संचालक मंडळ बरखास्त झाले असते. मात्र, ही कारवाई वैयक्तिक आकसापोटी करून गोकुळची बदनामी केली असे चर्चा झाली असती. त्यामुळे ही कारवाई मीच थांबवली आहे. तसेच गोकुळकडे आलेल्या निनावी पत्रातील औषध घोटाळ्याची चौकशी करून फौजदारी गुन्हा दाखल केला पाहिजे अशी मागणी गोकुळच्या संचालिका शौमिका महाडिक यांनी आज येथे केली.
कोल्हापूर जिल्हा मध्यवर्ती सहकारी दूध संघाकडे काल औषध घोटाळ्याबाबत निनावी पत्र आले आहे. याबाबत त्यांनी प्रसारमाध्यमांशी बोलताना प्रतिक्रिया दिली.
महाडिक म्हणाल्या, ‘गोकुळ’मध्ये चुकीचा कारभार होत आहे. याबद्दल अनेकवेळा आवाज उठवला होता. याची चौकशीही झाली. न्यायालयाने या कारभाराबाबत ताशेरी ओढले आहेत. मात्र, सत्ताधारी संचालकांना काही दिवस संधी द्यावी, या हेतूने ही कारवाई आपण स्वतःच थांबवली आहे. मात्र, अजूनही हा कारभार थांबलेला नाही. ‘गोकुळ’मध्ये डॉक्टरांकडून गैरव्यवहार केला जात असल्याचे निनावीपत्र आले आहे. या पत्राला बेदखल करण्याऐवजी त्याची चौकशी करून फौजदारी दाखल करावी, हे पत्र खोडसाळपणे लिहिले आहे असं म्हणणं चुकीचं आहे.

चौकट
...म्हणून निनावी पत्राद्वारे दिली माहिती
प्रस्थापितांना अंगावर घेणे परवडणार नाही म्हणूनच संबंधिताने औषध खरेदी घोटाळ्याची माहिती निनावी पत्राद्वारे दिली आहे. याची चौकशी होणे गरजेचे असल्याचेही महाडिक यांनी सांगितले.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com