इचल : आयुक्त बडतर्फ मागणी

दरम्यान, इचलकरंजी शहराच्या जिव्हाळ्याचा पाणी प्रश्‍न कायमस्वरूपी सोडविण्यासाठी प्रयत्नशील असताना महापालिकेचे आयुक्त तथा प्रशासक ओमप्रकाश दिवटे हे कोणतेही सहकार्य न करता सतत दुर्लक्षच करत आहेत. त्यामुळे पाणी प्रश्‍नाचे गांभीर्य नसणाऱ्या दिवटे यांना तातडीने बडतर्फ करा, अशी थेट मागणी आमदार प्रकाश आवाडे यांनी जिल्हा नियोजन समितीच्या बैठकीत केली. मागील वर्षी जिल्हा नियोजन समितीच्या बैठकीत पालकमंत्री मुश्रीफ यांनी माझ्या मागणीवरून कृष्णा व पंचगंगा योजनेच्या विद्युत मोटारी बदलण्यासह तत्सम्‌ कामांसाठी ४ कोटी रुपये मंजूर केले आहेत. या संदर्भात जिल्हाधिकाऱ्यांनीही कोणती कामे करावयाची, याचा प्रस्ताव देण्याच्या सूचना महापालिका प्रशासनाला दिल्या आहेत. मात्र. अद्याप त्यासंदर्भात कार्यवाही केलेली नाही. निधी असतानाही आयुक्तांच्या असहकार्याच्या भूमिकेमुळे विकासकामांना खीळ बसत आहे. त्यामुळे आयुक्तांना तातडीने बडतर्फ करा अथवा मी सभात्याग करतो, असा इशारा आमदार आवाडे यांनी यावेळी दिला.