पालेभाज्या स्वस्त, गवार, दोडका, वांगे तेजीत

पालेभाज्या स्वस्त, गवारी, दोडका, वांगी तेजीत
टोमॅटो चाळिशीत ः लिंबू उतरला

सकाळ वृत्तसेवा
कोल्हापूर, ता, ७ : पालेभाज्या उत्पादनासाठी अपेक्षित पाऊस पडू लागल्याने बाजारात पालेभाज्यांची आवक वाढली आहे. त्यामुळे कोथिंबीर, मेथी, शेपू, पोकळा, कांदापात आदी भाज्यांचे दर अगदी दहा रुपये पेंडी असे खाली आले आहेत. गवारी, वांगी, दोडका अजूनही तेजीत आहे. मागील आठवड्यात पन्नास रुपये किलोवर गेलेला टोमॅटो आज ४० रुपये किलोप्रमाणे विकला जात होता. विशेषतः चिकोडी, संकेश्वर, मिरज आदी भागांतून पालेभाज्यांची मोठ्या प्रमाणात आवक झाली आहे. बटाटा चाळीस, तर कांद्याची पस्तीस रुपये किलो अशा दराने विक्री होत आहे.
----------
पालेभाज्यांचे दर
मेथी*१० रुपये, कोथिंबीर*५ रु. पेंडी, कांदापात *१० रु., पोकळा* ७ रु., लालमाठ* १० रु., तांदळी * १० रु., अळू - १० रु., पालक *१० रु., मिश्र भाजी - * १० रु. वाटा, पुदिना - *१० रु. पेंडी.
---------
फळभाज्यांचे दर
कोबी - * १५ ते २५ रु., फ्लॉवर -* १५ ते ३० रु. नग, ढब्बू मिरची - * ६० रु. किलो, ओली मिरची- *८० ते ९० रु. किलो, दोडका - *१०० रु., वांगी- *१०० रु. किलो, बीट- *१० रु. नग, भेंडी- * ६० रु., कारली- *४० रु., पडवळ- *८० रु. किलो, स्वीट कॉर्न - * १० रु. नग,
-------------
फळ बाजार दर
सफरचंद- * २०० ते ३०० रु. किलो, डाळिंब- *१०० ते १२० रु., केळी (जवारी) *४० ते ७० रु., केळी - *३० ते ६० रु.. तोतापुरी- * १०० रु. तीन नग, पेरू-* ८० ते १२० रु. किलो, अननस- * २० ते ५० रु. नग, ड्रॅगन फ्रूट - *१२० रु. किलो, कच्चे खजूर - १०० रु. किलो.
----------
कोथिंबीर पेंडी ६५ वरून पाच रुपयांवर
गेले दोन महिने कोथिंबीर पेंडीचा दर कधी पासष्ट, तर कधी सत्तर रुपये असा होता. त्यामुळे सर्वसामान्यांनी कोथिंबीर खरेदीकडे पाठ फिरवली होती. अनेकांनी जेवणातूनच तिला हद्दपार केले होते. आता हीच कोथिंबीर पाच रुपये पेंडी अशी विक्रीसाठी बाजारात उपलब्ध झाली. विशेषतः चिकोडी, मिरज, बेळगाव आदी ठिकाणांहून मोठ्या प्रमाणात आवक झाल्याने दर पडले आहेत. घाऊक बाजारात पन्नास पैसे ते दीड रुपया प्रति पेंडी असा दर मिळाल्याने अनेक शेतकऱ्यांनी उभ्या शेतात नांगर फिरवल्याची दृश्‍ये समाजमाध्यमातून प्रसारित होत आहेत.