ईपीएस योजना

महापालिका ... लोगो
...
महापालिकेतील २००७ कर्मचाऱ्यांना
राष्ट्रीय निवृत्त वेतन योजना लागू
कोल्हापूर, ता. ८ : महापालिकेकडील १९०० व पाणीपुरवठा विभागातील १०७ कर्मचाऱ्यांना राष्ट्रीय निवृत्त वेतनचा (एनपीएस) लाभ देण्याचा निर्णय प्रशासक के. मंजुलक्ष्मी यांनी घेतला. यामध्ये कर्मचाऱ्यांचा हिस्सा १० टक्के व महापालिकेचा हिस्सा १४ टक्के राहणार आहे.
याबरोबरच प्राथमिक शिक्षण मंडळाकडील ९७ शिक्षक व शिक्षकेतर कर्मचाऱ्यांना निवृत्ती योजनेचा खातेक्रमांक देण्यात आला आहे. महापालिकेने घेतलेल्या या निर्णयामुळे संबंधित अधिकारी, कर्मचाऱ्यांनी आस्थापना विभागाकडे माहिती सादर करायची आहे. या योजनेंतर्गत संबंधित कर्मचाऱ्यांना राष्ट्रीय निवृत्ती वेतन योजनेमधून निवृत्तीनंतर व कर्मचारी दिवंगत झाल्यास त्यांच्या पात्र वारसांना पेन्शन व इतर लाभ मिळू शकतात. जे अधिकारी, कर्मचारी १ नोव्हेंबर २००५ रोजी किंवा त्यानंतर महानगरपालिकेत नियुक्त झाले आहेत, त्या अधिकारी, कर्मचाऱ्यांना लाभ होणार आहे. कार्यालयीन कामासाठी विविध अधिकारी व कर्मचाऱ्यांची नियुक्ती करण्यात आली आहे. याप्रश्नी अतिरिक्त आयुक्त राहुल रोकडे, मुख्य लेखा व वित्त अधिकारी सुनील काटे, सहायक आयुक्त संजय सरनाईक यांचे मार्गदर्शन लाभले.