गुड्डादेवीची यात्रा भडगावला उत्साहात

गुड्डादेवीची यात्रा
भडगावला उत्साहात
गडहिंग्लज : भडगाव (ता. गडहिंग्लज) येथील श्री गुड्डादेवीची यात्रा उत्साहात झाली. सकाळी नऊला देवीला अभिषेक घालण्यात आला. पुजा व आरती झाल्यानंतर मंदिर भाविकांना दर्शनासाठी खुले करण्यात आले. भडगावसह परिसरातील भाविकांची दर्शनासाठी दिवसभर गर्दी होती. सायंकाळी गावातील मंदिरापासून पालखी मिरवणूक निघाली. मुख्य रस्त्यावरुन ती डोंगरावरील मंदिरापर्यंत गेली. या ठिकाणी आरती झाली. पोलिस पाटील उदय पुजारी, सुभाष चोथे, दयानंद पट्टणकुडी, बसाप्पा रेगडे, सिदाप्पा चिनगुडे, आप्पासाहेब मोर्ती, चिदानंद शिंत्रे, आप्पासाहेब नाईक, शिवराज भकरी, बाळासाहेब मोर्ती, वसंत नाईक यांच्यासह भाविक मोठ्या संख्येने उपस्थित होते.