विशाळगड ऑनलाईऩ बैठक बातमी

विशाळगड ऑनलाईऩ बैठक बातमी

लोगो ः विशाळगड अतिक्रमण प्रश्‍न

न्यायालयीन प्रक्रियेची तयारी पूर्ण करा
सुधीर मुनगंटीवार यांच्या प्रशासनाला सूचना; व्हिडिओ कॉन्फरन्सद्वारे बैठक
सकाळ वृत्तसेवा
कोल्हापूर, ता. १० ः विशाळगडावरील अतिक्रमणांचा प्रश्न न्यायालयात आहे. त्यासाठी आवश्यक असणारी सर्व तयारी पूर्ण करा. या काळात कायदा व सुव्यवस्था नीट राहील याची काळजी घ्या, अशा सूचना वन व सांस्कृतिक मंत्री सुधीर मुनगंटीवार यांनी प्रशासनाला दिल्या.
विशाळगडावर हिंदुत्ववादी कार्यकर्त्यांनी नुकतीच तेथे महा आरती करून अतिक्रमण काढण्याची भूमिका घेतली. माजी खासदार संभाजीराजे छत्रपती यांनी तेथे आंदोलन करण्याचा इशारा दिला आहे. या पार्श्वभूमीवर आज मुनगंटीवार यांनी व्हिडिओ कॉन्फरन्सद्वारे बैठक घेतली. मुंबईमधून संबंधित खात्याचे सचिव, पुरातत्व खात्याचे अधिकारी उपस्थित होते, तर कोल्हापुरातून जिल्हाधिकारी अमोल येडगे, पोलिस अधीक्षक महेंद्र पंडित यांची उपस्थिती होती. बैठकीच्या सुरुवातीला मंत्री मुनगंटीवार यांनी या प्रकरणाशी संवंधीत सर्व न्यायालयीन कामाकाजाची माहिती घेतली. गडावर असणारी अतिक्रमणे, त्यांची व्यप्ती, शासकीय जमिनीची मालकी या संदर्भातील सर्व माहिती जिल्हाधिकाऱ्यांकडून घेतली. त्यानंतर न्यायालयीन प्रक्रिया वेळेत पूर्ण होण्यासाठी प्रशासनाने सर्व तयारी करावी. न्यायालयीन खटल्यासाठी आवश्यक असणारी सर्व साधने, पुरावे, कागदपत्रे निर्धारीत वेळेत संकलीत करावीत. तसेच या कालावधीत विशाळगडावरील कयदा आणि सुव्यवस्था बिघडणार नाही याबाबत काळजी घ्यावी अशा सूचना दिल्या.

चौकट
संभाजीराजे छत्रपतींना आवाहन
माजी खासदार संभाजीराजे छत्रपती यांनी रविवारी (ता.१४) विशाळगडावर आंदोलन करण्याचा इशारा दिला आहे. संभाजीराजे छत्रपती यांनी आंदोलन न करता प्रशासनाने केलेल्या कामांची माहिती घ्यावी. अतिक्रमणे काढण्याच्या दृष्टीने प्रशासन जे काम करत आहे ते समजून घ्यावे. त्यासाठी बैठकही घेण्यात येईल. अशी विनंती जिल्हाधिकाऱ्यांनी संभाजीराजे छत्रपती यांना केली आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com