सतेज पाटी- मालवण

छत्रपती शिवरायांच्या अवमानाचे
प्रायश्चित सत्ताधाऱ्यांना भोगावे लागेल

सतेज पाटील, माध्यमांशी साधला संवाद

कोल्हापूर, ता. ३० : छत्रपती शिवाजी महाराज यांचा पुतळा कोसळणे, हा राज्य सरकारचा नाकर्तेपणा असून, त्यांची अकार्यक्षमता यातून सिद्ध झाली आहे. छत्रपती शिवाजी महाराज यांच्या या अवमानाचे प्रायश्चित सत्ताधाऱ्यांना भोगावे लागेल, असे मत काँग्रेसचे विधान परिषदेतील गटनेते आमदार सतेज पाटील यांनी आज माध्यमांशी बोलताना व्यक्त केले.
आपटेंना नौदलापर्यंत कुणी पोहचवले, त्यांची शिफारस कोणी केली, याची माहिती मिळवणे आवश्यक आहे. छत्रपती शिवाजी महाराज यांचा अवमान होत असताना आम्ही गप्प बसावे, असे सरकारला वाटत असेल तर ते चुकीचे आहे. तुम्ही चूक केली आहे. राजकारण आम्ही केले असे वाटते; मग उद्‌घाटन राजकीय का केले ? मुख्यमंत्र्यांनी केवळ माफी मागून काय होणार नाही. जगभर नौदलाची, देशाची जी प्रतिमा झाली ती तुमच्या माफी मागण्याने परत येऊ शकणार नाही, असेही ते म्हणाले.