पोलिसवृत्त

टेंपोच्या धडकेत
दोघेजण जखमी

कोल्हापूर, ःगडमुडशिंगी (ता. करवीर) येथे टेंपोच्या धडकेत मोटारसायकलवरील दोघे जखमी झाले. विजय बाबू पवार (वय ४४) व विजय शंकर पवार (४०, दोघे रा. शांतिनगर, पाचगाव) अशी जखमींची नावे आहेत. जखमींना उपचारासाठी सीपीआरमध्ये दाखल केले. याची नोंद गोकुळ शिरगाव पोलिस ठाण्यात झाली.
.................
11963

तलवारीने दहशत करणाऱ्यास बेड्या
कोल्हापूर, ता. १५ ः तलवार हातात घेऊन विक्रमनगरमधील मंडळाजवळ दहशत करणाऱ्यास राजारामपुरी पोलिसांनी अटक केली. सचिन शिवाजी आगलावे (वय २६, रा. विक्रमनगर) असे त्याचे नाव आहे. शनिवारी रात्री बाराच्या सुमारास तो तलवार घेऊन विक्रमनगर स्वामी समर्थ मंदिर परिसरात जाऊन लोकांना धमकावत होता.
विक्रमनगरातील गणेशोत्सव मंडळासमोर थांबलेल्या मुलींचे मोबाईलमध्ये चित्रीकरण करणाऱ्या संशयित सचिन आगलावेला स्थानिकांनी हटकले. यावेळी त्यांना रहिवाशांना शिवीगाळ केली. काही वेळात तलवार घेऊन तो या मंडळाजवळ पोहोचला. शिवीगाळ करीत धमकाविण्याचा प्रकार त्याच्याकडून सुरू होता. मंडळाच्या स्टेजवर उभारून तो अनेकांना तलवार दाखवत असल्याचे एका व्‍हिडिओमध्ये दिसल्याने राजारामपुरी पोलिसांनी त्याला अटक केली.
..................
11960

तीन वर्षांपासून पसार
खुनातील आरोपीला अटक

कोल्हापूर, ता. १५ ः इस्लामपूर पोलिस ठाण्यात दाखल खुनाच्या गुन्ह्यात जन्मठेपेची शिक्षा लागलेला आरोपी अरुण मारुती घेवदे (सध्या रा. कबनूर, हातकणंगले, मूळ रा. आवंढी, शिराळा) पॅरोल रजेवर सुटल्यानंतर मागील तीन वर्षांपासून पसार झाला होता. कोरोना काळात कळंबा कारागृहातून २ जून २०२१ रोजी पॅरोल रजेवर आला होता. यानंतर तो २८ मे २०२२ रोजी परत जाणे अपेक्षित असताना परतलाच नव्हता. वारंवार पत्रव्यवहार करूनही त्याच्याकडून प्रतिसाद मिळत नसल्याने याप्रकरणी शिवाजीनगर पोलिस ठाण्यात गुन्हा दाखल केला होता. तो वाळवा तालुक्यातील तांदूळवाडी येथे आल्याची माहिती मिळताच स्थानिक गुन्हे अन्वेषण शाखेच्या पथकाने त्याला सापळा रचून पकडले.
.......................