पोलिसवृत्त

फोटो ः १६०६५

पाचगावमध्ये
पेंटरची आत्महत्या

कोल्हापूरः पाचगाव येथील मगदूम कॉलनीत राहणाऱ्या सागर रमेश कांबळे (वय ३५, मूळ रा. अब्दुललाट, शिरोळ) यांनी राहत्या घरी गळफास घेऊन आत्महत्या केली. गुरुवारी दुपारी घरी कोणी नसताना त्याने गळफास घेतला. नातेवाइकांनी फास सोडवून बेशुद्धावस्थेत सीपीआरमध्ये आणले असता उपचारापूर्वीच मृत्यू झाल्याचे डॉक्टरांनी सांगितले. त्यांच्या मागे पत्नी, मुलगा, मुलगी असा परिवार आहे.
..................
फोटो ः १६०६४

‘ड्राय डे’ला मद्यविक्री;
एकास अटक

कोल्हापूर ः गांधी जयंतीदिवशी मद्य विक्रीला बंदी असताना गंगावेश परिसरातील हॉटेलमध्ये मद्यसाठा केल्याप्रकरणी सुहास संभाजी साळुंखे (वय ४०, रा. शुक्रवार पेठ) याला अटक करण्यात आली. त्याच्याजवळून १२ हजार ७४५ रुपयांचा मुद्देमाल जप्त केला. बुधवारी सायंकाळी साडेसातच्या सुमारास ही कारवाई केली.
..............
हालोंडीजवळ
तरुणास मारहाण
कोल्हापूर ः हालोंडीनजीक झालेल्या मारहाणीत ओमकार अरुण तडुळे (वय ३०, रा. सानेगुरुजी वसाहत) जखमी झाला. बुधवारी रात्री साडेअकराच्या सुमारास हा प्रकार घडला. जखमीला उपचारासाठी सीपीआरमध्ये दाखल केले. याची नोंद सीपीआर पोलिस चौकीत झाली.