जिल्हास्तरीय हॉकी स्पर्धेत डी.सी.नरके विद्यानिकेतनचे यश

जिल्हास्तरीय हॉकी स्पर्धेत
नरके विद्यानिकेतनचे यश

सकाळ वृत्तसेवा
कोल्हापूर, ता. ९ ः जिल्हास्तरीय शासकीय शालेय हॉकी स्पर्धेत १७ वर्षांखालील हॉकी स्पर्धेत डी. सी. नरके विद्यानिकेतनने विजेतेपद पटकाविले.
मेजर ध्यानचंद हॉकी स्टेडियम येथे झालेल्या या स्पर्धेत पहिला उपांत्य सामना डी. सी. नरके विद्यानिकेतन व संजीवन विद्यानिकेतन यांच्यात झाला. यात नरके विद्यानिकेतनने हा सामना पाच विरुद्ध शून्य गोलने जिंकत अंतिम फेरीत प्रवेश केला. दुसऱ्या उपांत्य लढतीत नरकेज पन्हाळ पब्लिक स्कूलने दूधगंगा व्हॅली पब्लिक स्कूल, इस्पुर्लीचा दोन विरुद्ध शून्य गोलने पराभव करीत अंतिम फेरी गाठली. अंतिम फेरीत नरके विद्यानिकेतनने नरकेज पन्हाळा पब्लिक स्कूलचा तीन विरुद्ध शून्य गोलने पराभव करीत विजेतेपद पटकाविले. विजयी संघात राजवर्धन कुंभार, आदर्श नाईक, यश तळेकर, हेमंत पाटील, आदित्य पाटील, दुर्गेश मोळे, केदार पाटील, ओंकार जांभळे, ओम पाटील, शिवराज पाटील, श्रीशांत बांद्रे, अनूज वाकरेकर, अथर्व पाटील, साहिल कुंभार, सत्त्वशील कारंडे, वरद पाटील, प्रितम मोहिते यांचा समावेश होता. या संघाला क्रीडा शिक्षक शिवाजी डूबल, संजय भोसले यांचे मार्गदर्शन लाभले.