महापालिका वर्धापनदिन

महापालिकेतर्फे
उद्यापासून
खाद्य महोत्सव

कोल्हापूर : महापालिकेच्या वर्धापन दिनानिमित्त शुक्रवारपासून (ता. १३) खाद्य महोत्सवाचे आयोजन केले आहे. ताराबाई पार्कातील सासने ग्राऊंडवर सायंकाळी पाच ते रात्री नऊपर्यंत सलग तीन दिवस हा महोत्सव होईल.
महोत्सवात शंभर स्टॉलचे नियोजन केले आहे. खाद्य पदार्थांबरोबरच महिला बचत गटांनी बनविलेल्या विविध वस्तूंचीही विक्री व प्रदर्शन होणार आहे. महापालिका तसेच जिल्ह्यातील इतर नगरपरिषद, नगरपालिकांतील नावीन्यपूर्ण उत्पादने असणारे महिला बचत गट त्यामध्ये सहभागी होणार आहेत.
कोल्हापुरी चप्पल, मातीच्या वस्तू, बांबूच्या वस्तू, हस्तकला वस्तू, रोपवाटिका, हँडमेड ज्वेलरी, नॅपकिन बुके, बांगड्या, ज्वेलरी, चिमणी घरटे उत्पादक, बांगड्या, ज्वेलरी, पर्स, बॅगा अशा विविध वस्तू विक्रीसाठी उपलब्ध असणार आहेत.