भविष्य निधीतर्फे कॅम्पचे आयोजन

भविष्य निर्वाह
निधी कार्यालयातर्फे
कॅम्पचे आयोजन

कोल्हापूर : कर्मचारी भविष्य निधी संघटनेने (ई.पी.एफ.ओ.) कोल्हापूर क्षेत्रीय कार्यालयांतर्गत कोल्हापूर, सातारा आणि सांगली जिल्ह्यांतील सदस्यांना ‘यूएन’ सक्रिय करण्यासाठी उद्यापर्यंत (ता. १४) कॅम्पचे आयोजन केले आहे. या अंतर्गत क्षेत्रीय कार्यालयाच्या वतीने कोल्हापूर, सांगली, सातारा जिल्ह्यांमधील संघटित क्षेत्रात काम करणाऱ्या कर्मचाऱ्यांचे युनिव्हर्सल अकाऊंट नंबर सक्रिय कारण्यासाठी कराड तासवाडे एमआयडीसी, कऱ्हाड, सातारा ॲडिशनल एमआयडीसी, शिरवळ एमआयडीसी विभाग, कवठेमहाकाळ नगरपरिषद, सांगली, मेनन अंड मेनन, (कोल्हापूर) या ठिकाणी कॅम्प होत आहेत. तरी सातारा, सांगली आणि कोल्हापूर जिल्ह्यामधील कर्मचाऱ्यांनी उपस्थित राहून लाभ घावा, असे आवाहन आयुक्त अमित चौगुले यांनी पत्रकाद्वारे केले.
...
जिल्हा फोर व्हिलर
वर्कशॉपतर्फे
नृसिंहवाडीत सेवा
कोल्हापूर : ओम ग्रुप संचलित कोल्हापूर जिल्हा फोर व्हिलर वर्कशॉप ओनर वेलफेअर असोसिएशन आणि रिसर्च फाउंडेशनतर्फे या वर्षीपासून नृसिंहवाडी येथील दत्त जयंती उत्सवानिमित्त येणाऱ्या भाविकांच्या फोर व्हिलर बंद पडल्यास आमची संस्था मोफत सेवा देण्यासाठी तत्पर राहील. ही सेवा शनिवारी (ता. १४) सकाळी आठ ते सायंकाळी आठपर्यंत असेल. ही सेवा नृसिंहवाडी फोर व्हिलर पार्कींग व्यवस्था या ठिकाणी राहील, अशी माहिती अध्यक्ष योगेश पाटील, नृसिंहवाडी टिमचे बजरंग खिरुगडे, महेश कोरे, सचिव बाहुबली खोत, सदस्य विनायक मांजरेकर यांनी दिली.
...
‘हर्षवर्धन’तर्फे
दत्त जयंती उत्सव

कोल्हापूर : जी. के. जी. कॉलेज, हुतात्मा गार्डन समोर हर्षवर्धन सामाजिक कल्याण संस्थेतर्फे दत्त जयंती साजरी करण्यात येणार आहे. उद्या (ता. १४) दुपारी १२ वाजता महाप्रसादाचे वाटप करण्यात येणार आहे. तरी सर्व भक्तानी महाप्रसादाचा लाभ घ्यावा, असे आवाहन संस्थापक अध्यक्ष रणजित औंधकर यांनी पत्रकाद्वारे केले आहे.
...