खोदाई बंद पाडली

चुकीच्या खोदाईवरून
जयसिंगपूरला काम बंद
जयसिंगपूर, ता. १३ : शहरात चांगल्या रस्त्याची खोदाई करून गॅस पाईपलाईन टाकली जात असल्याच्या कारणावरुन सामाजिक कार्यकर्ते सागर मादनाईक यांनी शुक्रवारी खुदाईचे काम बंद पाडले. चुकीचे काम करणाऱ्या ठेकेदारावर कारवाई करावी; अशी मागणी त्यांनी केली. शहरात गॅस पाईपलाईनचे काम सुरू आहे. त्यासाठी खोदाई केली जात आहे. चुकीच्या पध्दतीने लाईनचे काम होत असल्याच्या तक्रारी आल्यानंतर मादनाईक यांनी सातव्या गल्ली येथे पाहणी केली असता रस्त्याच्या बाजूला असलेला कोबा वाचविण्यासाठी डांबरी रस्ता उकरण्यात आल्याचे दिसून आले. चुकीच्या पध्दतीने शहरात काम होत असल्याचा आरोप नागरिकांनी केला. याठिकाणी नगरपालिकेच्या अधिकाऱ्यांनाही पाचारण करण्यात आले होते. संबंधित ठेकेदारावर कारवाई करावी; अशी मागणी केली असून योग्य पध्दतीने पाईपलाईनचे काम करण्याची मागणी केली असल्याचे मादनाईक यांनी सांगितले.