-

फोटो 36649

हॉकी स्टेडियम चौकाजवळील
जलवाहिनीची दुरुस्ती सुरू

कोल्हापूर, ता. ५ ः हॉकी स्टेडियम चौकाजवळ शनिवारी रात्री फुटलेल्या जलवाहिनीची रविवारी तातडीने दुरुस्ती सुरू केली. रात्रीपर्यंत ती पूर्ण केली जाणार असली तरी रविवारी दिवसभर त्या परिसरातील पाणीपुरवठा बंद झाला.
कळंबा फिल्टर हाऊसवरून हॉकी स्टेडियमकडे जाणाऱ्या रस्त्याच्या मध्यभागी १६ इंची जलवाहिनी आहे. शनिवारी रात्री ती फुटली. त्यामुळे लाखो लिटर पाणी रस्त्यावरून वाहून गेले. त्याचा व्हॉल्व्ह बंद करून पाणी थांबवण्यात आले. रविवारी सकाळपासून खोदाई सुरू करण्यात आली. जलवाहिनी फुटल्याने जवळपास वीस फुटाचा भाग काढण्यात आला. सायंकाळपर्यंत नवीन भाग जोडण्याचे काम सुरू होते. रात्रीपर्यंत काम पूर्ण केले जाणार आहे. उद्या दोन दिवस पाणीपुरवठा बंद राहणार असल्याने काम संपल्यानंतर त्या भागात पाणीपुरवठा केला जाण्याची शक्यता आहे.