बाजार भोगाव

मरळेत शिवजयंती उत्साहात
बाजार भोगाव ः मरळे (ता. शाहूवाडी) येथे शिवजयंती उत्साहात साजरी करण्यात आली. शिवबाचा मावळा संघटनेचे तालुकाध्यक्ष किरण कारंडे यांच्या हस्ते छत्रपती शिवाजी महाराजांच्या पुतळ्याचे पूजन झाले. दरम्यान पहाटे कार्यकर्त्यांनी विशाळगड येथून शिवज्योत आणली. करंजफेण ते मरळे मार्गवरून छत्रपती शिवाजी महाराजांच्या पुतळ्याची मिरवणूक काढली. तसेच विविध सांस्कृतिक कार्यक्रम यावेळी सादर करण्यात आले. यावेळी केदारलिंग तरुण मंडळाचे अध्यक्ष सागर पाटील, भगवान पाटील, किरण पाटील, प्रदीपदादा पाटील, अविनाश मुगडे, प्रदीप कारंडे, युवराज सुतार, सरदार पाटील आदींसह कार्यकर्ते उपस्थित होते.