गुणवंतांचा सत्कार

70728
अडकूर : गुणवंत विद्यार्थ्यांचा सत्कार करताना हणमंत पाटील. शेजारी अभय देसाई, बबन देसाई, सरपंच सचिन गुरव आदी.
-----------------------

अडकूर येथे गुणवंतांचा सत्कार
चंदगड : दहावीतील यश ही करिअरच्या दिशेने सुरुवात आहे. ते अंतिम नाही. करिअर साध्य होईपर्यंत त्यात सातत्य ठेवा, असे प्रतिपादन गडहिंग्लज कृषी उत्पन्न बाजार समितीचे माजी अध्यक्ष अभय देसाई यांनी केले. अडकूर (ता. चंदगड) येथील युनिटी फाउंडेशन, मलगेवाडी (ता. चंदगड) येथील गोवास्‍थित उद्योजक हणमंत पाटील यांच्या वतीने पंचक्रोशीतील गुणवंतांचा सत्कार कार्यक्रम झाला. त्यावेळी ते बोलत होते. ‘सकाळ''चे बातमीदार सुनील कोंडुसकर प्रमुख पाहुणे होते. शिवशक्ती हायस्कूलच्या सभागृहात हा कार्यक्रम झाला. मनोहर देसाई यांनी स्वागत केले. वैष्णवी कदम, ओम गायकवाड, तन्मय वागतकर, स्नेहल पाटील, सृष्टी शिवगोंडे, शुभम सावंत, वैजनाथ शिंदे यांचा सत्कार करण्यात आला. माजी सभापती बबन देसाई, सुनील कोंडुसकर, हणमंत पाटील, सरपंच सचिन गुरव, एस. वाय. यमगेकर, व्ही. एन. सूर्यवंशी, विजयकुमार कांबळे यांनीही मनोगत व्यक्त केले. मुख्याध्यापक सूर्ववंशी, दौलत कारखान्याचे अध्यक्ष अशोक जाधव आदी उपस्थित होते. दिलीप भेकणे यांनी सूत्रसंचालन व आभार मानले.