गड- महालक्ष्मी सोसायटी

जाहीरात संस्था असल्याने बातमी उद्या घ्यावी.

71065
गडहिंग्लज ः महालक्ष्मी वुमेन्स सोसायटीच्या सभेत डॉ. युगांतरा कदम यांनी मार्गदर्शन केले. यावेळी एम. एल.चौगुले, उत्कर्षा पोतदार, प्राची मायदेव आदी.

‘महालक्ष्मी वुमेन्स’ची
वार्षिक सभा उत्साहात
गडहिंग्लज, ता. १६ ः येथील रवळनाथ संस्था समूहातील श्री महालक्ष्मी वुमेन्स को-ऑप क्रेडिट सोसायटीची दुसरी वार्षिक सर्वसाधारण सभा उत्साहात झाली. कराडच्या कृष्णा इन्स्टिट्यूट ऑफ मेडिकल सायन्सेसच्या अधिष्ठाता डॉ. युगांतरा कदम प्रमुख पाहुण्या होत्या. संस्थापक व संचालक एम. एल. चौगुले, अध्यक्षा उत्कर्षा पोतदार, उपाध्यक्षा प्राची मायदेव यांची प्रमुख उपस्थिती होती. यावेळी डॉ. कदम म्हणाल्या, ‘सामान्य माणसांच्या समस्या समजावून घेत त्या सोडविणे, त्यांच्या गरजा भागविणे हेही एक सामाजिक कार्य आहे. याच शुद्ध हेतुने महालक्ष्मी वुमेन्स सोसायटी कार्यरत आहे. श्री. चौगुले यांनी भविष्यात या सोसायटीच्या शाखा विस्तारासह त्याचे कार्यक्षेत्र राज्यव्यापी करण्याचा मानस असल्याचे सांगितले.’ सर्वांच्या सहकार्यातून संस्थेची यशस्वी वाटचाल सुरू असल्याचेही ते म्हणाले. अध्यक्षा पोतदार यांनी संस्थेच्या उपक्रमांचा आढावा घेतला. व्यवस्थापक विद्या दळवी यांनी विषयपत्रिकेचे वाचन केले. सचिव गौरी बेळगुद्री यांनी मागील सभेचा वृत्तांत, कल्पना पाटील यांनी नफा-तोटापत्रक, संचालिका मधुमती पोतदार यांनी नफा विभागणी, संचालिका मीना रिंगणे यांनी अंदाजपत्रक, तज्ज्ञ संचालिका गीता चिंचणीकर यांनी लेखापरीक्षण अहवालाचे वाचन केले. सौ. मायदेव यांनी लेखापरीक्षक नेमणुकीचा ठराव मांडला. कर्जाची यादी संचालिका अलका आरबोळे यांनी वाचली. सर्व विषयांना मंजुरी देण्यात आली. डॉ. कदम यांनी आरोग्यविषयी मार्गदर्शन केले. सीमा माने यांनी सूत्रसंचालन केले. संचालिका आसावरी स्वामी यांनी आभार मानले.