धर्मांतरण रोखा

बहुराष्ट्रीय कंपन्यांमधील
धर्मांतर रोखण्याची मागणी
कोल्हापूर ः नाशिक येथील बहुराष्ट्रीय कंपनीत महिला कर्मचाऱ्यांचे लैंगिक शोषण, धर्मांतरासाठी दबाव असे धक्कादायक प्रकार उघडकीस आले. त्यामागील विखारी मानसिकता आणि संघटित गुन्हेगारी मोडीत काढावी, अशी मागणी हिंदु जनजागृती समितीने केली आहे. निवासी उपजिल्हाधिकारी गजानन गुरव यांना निवेदन दिले. निवेदनात म्हटले आहे, कंपनीत सात आरोपींना अटक झाली आहे. हे नाशिकपुरते मर्यादित नसून मुंबईसह देशातील इतर शाखांत मोठे ‘कॉर्पोरेट षडयंत्र’ असू शकते. ज्या कंपन्यांत हिंदू महिलांच्या अब्रूचे रक्षण होत नाही आणि जिथे धार्मिक दहशत निर्माण केली जाते. अशा कंपन्यांचा व्यवसाय परवाना रद्द करून त्यांना टाळे ठोकावे. कृष्णात पोवार, संभाजी भोकरे, राजू यादव, गजानन तोडकर, रामभाऊ मेथे, सुनील सामंत,योगेश केरकर, विकास जाधव आदींचा समावेश होता.