गड- हलकर्णी यात्रा

हलकर्णीत नऊ वर्षानी लक्ष्मी यात्रा
नूल ः हलकर्णी (ता. गडहिंग्लज) येथील महालक्ष्मीची देवीची यात्रा नऊ वर्षांनी २१ ते २५ एप्रिल अखेर होत आहे. यात्रा समितीच्यावतीने विविध धार्मिक कार्यक्रमांसह शर्यती होणार आहेत, अशी माहिती यात्रा समितीचे अध्यक्ष व जिल्हा परिषद सदस्य शिवशंकर हत्तरकी आणि उपाध्यक्ष डॉ. गंगाधर व्हसकोटी यांनी दिली. मंदिर आणि देवीच्या स्थापनेला चारशे वर्षांची परंपरा आहे. हलकर्णीसह महाराष्ट्र कर्नाटक सीमा भागातील भाविक मोठ्या संख्येने यात्रेत सहभागी होतात. यात्रेकरूंची गैरसोय होऊ नाही नये याची दक्षता ग्रामपंचायत व यात्रा कमिटीने घेतली आहे. शांततेत यात्रा होण्यासाठी अध्यक्ष हत्तरकी, उपाध्यक्ष व्हसकोटी, सरपंच योगिता संगाज व उपसरपंच सलीम यमकनमर्डी व सदस्य नियोजनात आहेत. २१ एप्रिलला परमपूज्य सिद्ध सोमेश्वर महास्वामीजी यांच्याहस्ते पुष्पहार अर्पण, देवीची ओटी भरण्यात येईल. सकाळी नऊला नैवेद्य होईल. रात्री हकदार कुटुंबांनी ओटी भरल्यानंतर लक्ष्मी खेळवण्याचा कार्यक्रम होईल. यात्रा काळात पाण्याची कमतरता भासू नये म्हणून ग्रामपंचायतीने योग्य नियोजन केले आहे.