मतमोजणी कर्मचाऱ्यांना प्रशिक्षण

मतमोजणी अधिकाऱ्यांना
आज प्रशिक्षण
कोल्हापूर : कोल्हापूर आणि हातकणंगले मतदारसंघांतील मतमोजणी मंगळवारी (ता. ४) होणार आहे. या पार्श्वभूमीवर सोमवारी (ता. ३) कर्मचाऱ्यांना प्रत्यक्ष मतमोजणी केंद्रात प्रशिक्षण दिले जाणार आहे. मतमोजणी केंद्रातील सर्व व्यवस्था पूर्ण झाल्या असून, आज दोन्ही मतदारसंघांतील निरीक्षकांनी केंद्रांची पाहणी केली. मतमोजणी केंद्रावर सकाळी दहा वाजता कर्मचारी दाखल होतील. यामध्ये महसूलसह अन्य शासकीय विभागातील कर्मचाऱ्यांचाही समावेश आहे. दोन्ही मतदान केंद्रांवर मिळून ६८५ कर्मचारी मतमोजणीची प्रक्रिया पार पाडतील. प्रशिक्षणामध्ये प्रत्यक्ष मतमोजणी, त्यानंतरचे अहवाल बनवणे यासंबंधी असणारे नियम कायदे यांची माहिती दिली जाणार आहे. सर्व मतमोजणी प्रक्रिया वेळेत आणि अचूकपणे कशी होईल याची दक्षता घेतली जाईल. रविवारी जिल्हाधिकारी अमोल येडगे व अप्पर जिल्हाधिकारी संजय शिंदे यांनी मतमोजणी केंद्राची पाहणी करून सर्व व्यवस्थांचा आढावा घेतला.