मटका किंग टोळी हद्दपार

03458, 03457, 03459
...

कुरुंदवाडमधील ''मटका किंग गॅंग ''चे
सातजण सहा महिन्यांसाठी हद्दपार

कुरुंदवाड, ता.२९ः येथील ''मटका किंग गॅंग '' टोळीचा प्रमुख प्रशांत दिनकर चव्हाण याच्यासह त्याच्या सात साथीदारांना जिल्हा पोलिस प्रमुख शैलेश बलकवडे यांनी सहा महिन्यांसाठी जिल्ह्यातून हद्दपार केले. याबाबतचे आदेश नुकतेच काढले आहेत.
हद्दपारीत मटका बुकी मालक चव्हाण याच्यासह नासिर कलंदर बागवान, हमीद आब्बास भाई, गणपती सुगंधराव शिंदे,(सर्व रा.कुरुंदवाड), नंदकुमार तुकाराम मोहीते (रा. भैरववाडी, कुरुंदवाड), बाळू यशवंत चव्हाण (रा. शिरढोण ता. शिरोळ) व अनिल दशरथ गोफने ( रा. आसरानगर, इचलकरंजी) यांचा समावेश आहे.
मटका, जुगार अशा अवैध व्यवसायातून शहर व परिसरात गुन्हेगारीला उत्तेजन दिल्याप्रकरणी येथील सहाय्यक पोलिस निरीक्षक बालाजी भांगे यांनी चव्हाण याच्यासह त्याच्या साथीदारांच्या हद्दपारीचा प्रस्ताव जिल्हा पोलिस प्रमुखांकडे सादर केला होता. पोलिस अधिनियम १९५१ च्या कलम ५५ अन्वये शनिवार (ता.२८) पासून सहा महिन्यांसाठी जिल्ह्यातून त्यांना हद्दपार करण्यात आले आहे. दरम्यान, रात्री उशीरापर्यंत हद्दपारीची प्रक्रिया येथील पोलिस ठाण्यात सुरू होती. मटका व जुगार प्रकरणातील टोळीला हद्दपार करण्याची येथील पोलिस ठाण्यातील ही पहिलीच कारवाई आहे.
...