राष्ट्रीय ग्रंथालय दिनानिमित्त कसबा तारळे येथील न्यू हायस्कूलमध्ये ग्रंथांचा जागर

हायस्कूलमध्ये राष्ट्रीय ग्रंथालय दिन

कसबा तारळे : येथील न्यू हायस्कूलमध्ये राष्ट्रीय ग्रंथालय दिनानिमित्त ‘ग्रंथांचा जागर’ हा उपक्रम राबविला. केवळ परीक्षेसाठी पुस्तके वाचणारे विद्यार्थी न बनता, आयुष्य समजून घेण्यासाठी वाचणारे विद्यार्थी बनण्यासाठी संस्कारशील माणूस होण्याची शक्ती मिळो, अशी प्रतिज्ञा विद्यार्थ्यांनी केली. या निमित्ताने विद्यार्थ्यांनी शालेय ग्रंथालयास प्रत्येकी एक पुस्तक दान केले. यावेळी पत्रलेखन स्पर्धा घेतली. निवृत्त मुख्याध्यापक एम.बी.पाटील यांच्या हस्ते ग्रंथालयाचे पूजन झाले. ग्रंथालयाचे जनक डॉ. एस.आर.रंगनाथन यांच्या प्रतिमेचे पूजन मुख्याध्यापक एम. डी. मांगोरे व शिक्षण संस्थेचे सचिव प्रशांत पाटील यांच्या हस्ते झाले. रंगनाथन यांच्या कार्याचा परिचय संचिता कुंभार हिने करून दिला. एस.आर.जमाल यांच्या मार्गदर्शनाखाली विद्यार्थिनींनी परिपाठ सादर केला. यावेळी श्रध्दा शिऊडकर व श्रुतिका सुतार यांनी पुस्तक की मोबाईल? असा संवाद साधला. एस.एस.आरडे, जी. पी. मोहिते, प्रवीणा भोगटे यांची भाषणे झाली. संचिता कुंभार हिने सूत्रसंचालन केले.